जायकवाडीत पुरेसे पाणी ४८ तासांत सोडा

समन्यायी प्रमाणात पाण्याचे वाटप करणे ही प्राधिकरणाची जबाबदारी आहे. हे प्राधिकरण कायदेशीर जबाबदारीचे पालन करत नाही. जायकवाडी धरणात २७.५ टीएमसी पाणी सोडण्यात यावे , अशी विनंती याचिकेत करण्यात आली आहे. ऑक्टोबर अखेरपर्यंत गोदावरी खो-यातील सर्व जलाशयात जवळपास समान जिवंत साठा उपलब्ध असला पाहिजे , हे पाहण्याची जबाबदारी प्राधिकरणाची आहे , असा आक्षेप याचिकेत घेण्यात आला आहे.

राज्य सरकारने जायकवाडी धरणाच्या वरील बाजूस असलेल्या धरणातून ११.५ टीएमसी पाणी जायकवाडी धरणात सोडले ; त्यापैकी धरणात ६.५ टीएमसी पाणी पोचले.सध्या नगर व नाशिक जिल्ह्यातील धरणांमध्ये १२ टीएमसी पाणी आहे तर , जायकवाडी धरणात जिवंत जलसाठा संपला आहे. धरणातील पाण्यावर अवलंबून असलेल्या औरंगाबाद , जालन्यासह २०० हून अधिक शहरे व गावांमध्ये तीव्र पाणीटंचाई आहे , असा युक्तीवाद परिषदेचे वकिल प्रदीप देशमुख यांनी केला. वरच्या धरणात दोन टीएमसी पाणी बेकायदा घेण्यात आले , असा दावाही त्यांनी केला. राज्य सरकार किंवा संबंधित खाते याबाबत गंभीर नाहीत , असे ते कोर्टासमोर म्हणाले. दोन्ही बाजूंचा युक्तिवाद ऐकून जायकवाडी धरणात ४८ तासांत पुरेसे पाणी सोडण्याचे आदेश दिले आहेत.