न्यूयॉर्क,१२ नोव्हेंबर-भारतीय शिक्षणपद्धतीवर अनेक तज्ज्ञ टीका करीत असले तरी शिक्षणपद्धतीमध्ये बदल घडवून आणण्यासाठी मोलाचे योगदान देणार्यांच्या यादीत दोन भारतीयांची नावे नोंदवून ’फोर्ब्स’ने त्यांचा गौरव केला आहे. सुनीत सिंग आणि अनंत अग्रवाल , अशी त्यांची नावे आहेत.
सुनीत सिंग हे सर्वात कमी किंमतीचा आकाश टॅबलेट तयार करणार्या डेटाविंड कंपनीचे कार्यकारी प्रमुख आहेत तर, अनंत अग्रवाल हे मॅसेच्युसेट इंस्टीट्यूट ऑफ टेक्नॉलॉजीमध्ये प्रध्यापक आहेत .
४४ वर्षीय सुनीत यांनी जगातील सर्वात स्वस्त असणारा आकाश टॅबलेट बनवण्यात मुख्य संकल्पनाकाराच्या रुपात मोलाचे योगदान दिले आहे . आकाश टॅबलेटमध्ये विकसनशील देशातील शिक्षणपद्धतीत मोठी क्रांती घडवण्याची क्षमता असल्याचे फोर्ब्सने म्हटले आहे. हॉवर्ड , एमआयटी , कॉलिफोर्निया विद्यापीठ आणि टेक्सास विद्यापीठाच्या संयुत्त* प्रयत्नांने सुरु केलेल्या ’ एडएक्स ’ या कार्यक्रमाची मुख्य जबाबदारी अनंत अग्रवाल यांच्या खांद्यावर टाकण्यात आली आहे . एडएक्समुळे सर्व महाविद्यापीठांमार्फत इंटरनेटवरुन शिवकणे आणि अभ्यासक्रम पूर्ण करुन घेणे यावर काम सुरु आहे . सध्य स्थितीला जगभारातील चार लाखाहून अधिक लोक एडएक्स अभ्यासक्रमामार्फत शिक्षण घेत आहेत .
