लंडन, दि.२७ – बीजिंग ऑलिम्पिकमध्ये सुवर्ण जिंकणारा भारतीय नेमबाज अभिनव बिंद्राने सांगितले की, तो जुन्या आठवणीत राहण्याऐवजी लंडन ऑलिम्पिकमध्ये एक नव्याने सुरूवात करू इच्छित आहे. भुतकाळात पाहण्याचा काहीही अर्थ नसतो. मी स्वत:ला बीजिंगच्या आठवणीत बुडवू इच्छित नाही. मी चार वर्षापूर्वी दोन तासाच्या नेमबाजीत सुवर्ण पदक जिंकले होते.
भूतकाळात जे काही झाले ते भूकाळातच राहते. मला बीजिंगमध्ये पदक मिळाले होते. परंतु सध्या मला लंडनमध्ये कोणतेही पदक मिळालेले नाही. यामुळे माझ्याकडे गमावण्यासाठी काहीही नाही तेव्हा मी दबावात का रहायला हवे? माझ्या खेळात एक नेमबाजाची स्वत:शी प्रतिस्पर्धा असते.
जेव्हा अभिनवला त्याच्या आतापर्यंतच्या ऑलिम्पिक कारकीर्दविषयी विचारण्यात आले, तेव्हा त्याने हास्यमय मुद्रेत सांगितले, `हे माझे चौथे ऑलिम्पिक आहे. माझे वय वाढत आहे. वर्ष २००० मध्ये सिडनीमध्ये असणे खूप उत्साहित करणारे होते. वर्ष २००४ मध्ये मी ऑलिम्पिक रेकॉर्ड तोडले होते. मी विजयाच्या खुप जवळ पोहचलो होतो. मला कळते की, वर्ष २००८ मध्ये बीजिंगमध्ये मी खूप चांगले काम केले.’
