हैदराबाद पोलिसांच्या एनकाऊंटरवर ओवैसी यांचे प्रश्नचिन्ह

नवी दिल्ली – आज पहाटे 3 च्या सुमारास पशुवैधक डॉक्टरच्या बलात्कार आणि हत्याकांडातील चारही आरोपी पोलीस एनकाऊंटरमध्ये ठार करण्यात आले. या आरोपींना अधिक तपासासाठी घटनास्थळी नेत असताना त्यांनी पोलिसांची बंदूक हिसकावून पळून जाण्याचा प्रयत्न केला. पोलिसांकडून त्यांना त्यावेळी थांबवण्याचा प्रयत्न झाला. पण त्यांनी घटनास्थळावरून पळ काढण्याचा प्रयत्न केला. पोलिसांकडून त्यावेळी गोळीबार करण्यात आला. या घटनेनंतर देशभरातून संमिश्र प्रतिक्रिया येत आहेत. त्यातच आता हैदराबाद पोलिसांच्या एनकाऊंटरवर एमआयएमचे प्रमुख आणि खासदार अससुद्दीन ओवैसी यांनी प्रश्नचिन्ह उपस्थित केले आहे.