आज आपल्या मुख्यमंत्रीपदाचा राजीनामा देऊ शकतात फडणवीस

अवघे काही तास तेराव्या विधानसभेचा कार्यकाळ संपायला शिल्लक आहेत. 10 नोव्हेंबर 2014 रोजी तेरावी विधानसभा ही अस्तित्त्वात आली होती. पाच वर्षे 9 नोव्हेंबर रोजी पूर्ण होत असल्याने विधानसभेचा कार्यकाळ हा संपुष्टात येणार आहे. घटनात्मक तरतुदीनुसार त्यापूर्वी नवे सरकार अस्तित्त्वात येणे आवश्यक आहे. अवघे काही तासच सरकारचा कार्यकाळ संपण्यास शिल्लक असल्यामुळे उर्वरीत कालावधीत जर नवे सरकार अस्तित्वात आले नाही तर, घटनात्मक पेच निर्माण होणार असल्यामुळे एक तांत्रिक बाब म्हणून मुख्यमंत्री फडणवीस हे मुख्यमंत्री पदाचा राजीनामा देऊ शकतात.