सर्वोच्च न्यायालय २ ऑगस्टपासून दररोज करणार राममंदिर प्रकरणी सुनावणी

३१ जुलैपर्यंत अयोध्या आणि बाबरी वाद प्रकरणात मध्यस्थांच्या समितीने अहवाल द्यावा असे सर्वोच्च न्यायालयाने म्हटले आहे. २ ऑगस्टपासून हा अहवाल दिल्यानंतर दररोज सुनावणीला सुरुवात होईल असेही न्यायालयाने म्हटले आहे. याआधी मध्यस्थांच्या समितीला अहवाल सादर करण्यासाठी १८ जुलैपर्यंतची मुदत देण्यात आली होती. ती वाढवून ३१ जुलै करण्यात आली आहे. मध्यस्थांच्या समितीकडून काय तोडगा निघतो ते देखील पाहू असेही सर्वोच्च न्यायालयाने म्हटले आहे.