येथे घेतला होता बजरंगबली हनुमानाने जन्म

असे समजते की आंजनधामपासून जवळच पालकोट खडकात सुग्रीव गुंफा असून तेथेच किष्कींधाही आहे. हनुमानाची आई अंजनी रोज एका नव्या तलावात स्नान करून या तलावांच्या जवळ असलेल्या शिवलिंगाची पजा व जलाभिषेक करत असे. या ठिकाणी जवळपास ३६० तलाव व ३६० शिवलिंगेही आहेत. तिच्या नावावरूनच या ठिकाणाचे नांव आंजनेय किंवा अंजनधाम असे पडल्याचेही सांगितले जाते. अनेक ऋषी शांती मिळविण्यासाठी येथे तपासाठी येत असत व येथे महादेवाच्या पूजनाची प्राचीन परंपराही आहे.

या ठिकाणी आता अंजनी मंदिर बांधले गेले आहे. या मंदिराच्या खालीच सर्पगुहा आहे. भाविक या गुहेचे दर्शन आवर्जून घेतात. ही गुहा १५०० फूट लांबीची असून या गुहेतूनच माता अंजनी नदीवर जाऊन स्नान करत असे असा भाविकांचा विश्वास आहे. मंदिरात अंजनी व बालहनुमानाची मूर्ती पाहायला मिळते.