नवी दिल्ली : रिलायन्स जिओची ऑफर लॉन्च झाल्यावर रिलायन्स डिजिटल स्टोर, रिलायन्स मनिट स्टोअर बाहेर लांबच लांब रांगा लागल्या होत्या. रिलायन्स जिओचे सिम खूप प्रयत्नानंतर मिळत होते. पण आता तुम्हाला हे सिम घेण्यासाठी आता बाजारात धक्के खाण्याची गरज नाही. कारण आता तुम्ही घरात बसून ही जिओ सिम ऑर्डर करू शकतात.

आपल्या सिमची रिलायन्स जिओने होम डिलिव्हरी सुरू केली असून कंपनीने ही नवीन पद्धत कंपनीचा युजर बेस वाढविण्यासाठी सुरू केली आहे. यात तुम्ही ऑनलाइन जिओ सिम ऑर्डर करू शकतात.

जिओ सिम घरी मागविण्यासाठी तुम्हांला तुमच्या मोबाईल स्मार्टफोनवर माय जिओ अॅप इन्स्टॉल करा. या अॅपला इन्स्टॉल केल्यानंतर त्यात रिलायन्स जिओ वेलकम ऑफर कोड जनरेट होईल. त्या कोडच्या मदतीने तुम्हांला जिओच्या वेबसाइटवर पर्सनल डिटेल्स भराव्या. त्यानंतर तुम्ही जिओ सिम मागवू शकता. संपूर्ण माहिती भरल्यानंतर तुमच्या घरी रिलायन्स जिओ एक्झीक्युटीव्ह येईल, तो आधार नंबर घेईल. त्याला आधारची माहिती द्यावी लागेल. त्याचाकडे एक ईकेवायसी डिव्हाइस असेल त्यात तुमच्या फिंगर प्रिंटने तुमची माहिती मिळेल आणि त्यामुळे कोड जनरेट होईल आणि तुम्हाला अॅक्टीवेड सिम मिळेल.