दिल्लीत असेपर्यंत शिवरायांच्या महाराष्ट्राचे तुकडे होऊ देणार नाही ! – नरेंद्र मोदी

धुळे – ‘भाजप महाराष्ट्राचे तुकडे पाडणार असल्याचा अपप्रचार विरोधकांकडून सुरू आहे. मात्र महाराष्ट्राची एकता कोणीही तोडू शकत नाही. मुंबईला महाराष्ट्रापासून कोणीही वेगळे करू शकत नाही. मुंबईशिवाय महाराष्ट्र अपूर्ण आहे. देशाला पुढे नेण्याची ताकद फक्त महाराष्ट्रातच आहे. महाराष्ट्राशिवाय देश प्रगती करू शकत नाही. आम्ही कॉंग्रेससारखी खोटी आश्वासने देत नाही. पण मी दिल्लीत असेपर्यंत शिवरायांच्या महाराष्ट्राचे तुकडे होऊ देणार नाही’, असे विधान पंतप्रधान नरेंद्र मोदींनी केले आहे. अशा वक्तव्यातून पंतप्रधान मोदींनी शिवसेनेसह सर्वच राजकीय पक्षांना प्रत्युत्तर दिल्याची चर्चा आहे. सिंदखेडामधील जयकुमार रावल यांच्या प्रचारसभेत पंतप्रधान बोलत होते. ‘निवडणूकीच्या ज्वरामुळे पराभव दिसू लागलेली मंडळी आज वाटेल ती विधाने करत आहेत, अशी टिका करत जेवढी चिखलफेक कराल, तेवढाच कमळही बहरेल, असे प्रतिपादन मोदींनी केले.