चौरंगी वनडे क्रिकेट मालिकेत भारत “अ” संघ तीन गडय़ांनी विजयी

नाणेफेक जिंकून एनपीएस संघाला या सामन्यात भारत ‘अ’ संघाने प्रथम फलंदाजीचे निमंत्रण दिले. 50 षटकात एनपीएस संघाने 9 बाद 234 धावा जमविल्या. एनपीएसतर्फे टर्नरने 1 षटकार आणि 8 चौकारासह 73, सिल्कने पाच चौकारांसह 67 आणि ऍबॉटने 4 षटकार आणि 1 चौकारासह नाबाद 41 धावा फटकाविल्या. भारत अ तर्फे शुक्ला आणि धवन यांनी प्रत्येकी दोन तर पटेलने एक गडी बाद केला. एनपीएसचे चार फलंदाज धावचित झाले. त्यानंतर भारत अ ने 39.5 षटकात 7 बाद 238 धावा जमवित हा सामना जिंकला.

केदार जाधवने 53 चेंडूत 4 षटकार आणि 11 चौकारासह 87, सॅमसनने 80 चेंडूत 6 चौकारासह 55, व्होराने 1 षटकार आणि 3 चौकारासह 25, राकेश धवनने 4 चौकारासह 22, कर्णधार उथप्पाने 3 चौकारासह 17 धावा केल्या. एनपीएसतर्फे मुरहेडने 92 धावात 4 तर ऍबॉटने 52 धावात 2 गडी बाद केले. या सामन्यात भारत अ ला 5 गुण मिळाले. या स्पर्धेत भारत अ ने गुणतक्त्यात 5 पैकी चार सामने जिंकत 19 गुणासह आघाडीचे स्थान मिळविले असून ऑस्ट्रेलिया अ 17 गुणासह दुसऱया स्थानावर आहे.