जाणून घ्यायचे असेल डॉ. बाबासाहेब आंबेडकर यांचे जीवन, तर नक्की पहा हे पाच दमदार चित्रपट

डॉ. बाबासाहेब आंबेडकर (2000)
भीमराव आंबेडकरांना डॉक्टरेट मिळाल्यानंतर लोक त्यांना डॉ.बाबासाहेब आंबेडकर म्हणू लागले. 25 वर्षांपूर्वी म्हणजेच 2000 साली प्रदर्शित झालेला हा चित्रपट हिंदीसोबतच इंग्रजीतही प्रदर्शित झाला होता. मल्याळम चित्रपटाचा सुपरस्टार मामूट्टी यांनी या चित्रपटात भीमराव आंबेडकर यांची भूमिका साकारली होती. या चित्रपटासाठी मामूट्टी यांना सर्वोत्कृष्ट अभिनेत्याचा राष्ट्रीय पुरस्कार मिळाला होता. तसेच चित्रपट ‘डॉ. ‘बाबासाहेब आंबेडकर’ या चित्रपटाला इंग्रजी श्रेणीतील ‘सर्वोत्कृष्ट फीचर फिल्म’चा राष्ट्रीय पुरस्कार मिळाला होता.

डॉ. बी.आर. आंबेडकर (2005)
2005 साली डॉ. बाबासाहेब आंबेडकर यांच्यावर बनलेला चित्रपट डॉ. बीआर आंबेडकर’ चित्रपटगृहात प्रदर्शित झाला. पण हा चित्रपट हिंदी किंवा मराठीत नसून कन्नड भाषेत बनवण्यात आला आहे. अभिनेते विष्णुकांत बीजे यांनी डॉ. बी.आर. आंबेडकरांमध्ये बाबासाहेबांची भूमिका साकारली असून या चित्रपटाचे दिग्दर्शन कन्नड दिग्दर्शक शरण कुमार कब्बूर यांनी केले आहे.

तीसरी आझादी (2006)
2006 साली प्रदर्शित झालेल्या ‘तीसरी आझादी’ या चित्रपटात केवळ डॉ. बाबासाहेब आंबेडकरच नाही, तर महात्मा फुले यांच्याबद्दलही सांगितले गेले आहे. जातिव्यवस्थेवर आधारित या चित्रपटाचे लेखन आणि दिग्दर्शन जब्बार पटेल यांनी केले होते.

भीम गर्जना (1989)
‘भीम गर्जना’ हा मराठी चित्रपट असून, या चित्रपटाचे दिग्दर्शन सुधाकर वाघमारे यांनी केले होते. हा चित्रपट 1989 मध्ये थिएटरमध्ये प्रदर्शित झाला होता. भीम गर्जना हे डॉ. भीमराव आंबेडकर यांचे चरित्र आहे. या चित्रपटात कृष्णानंद आणि प्रतिमा देवी यांसारख्या प्रतिभावान नाट्य कलाकारांनी मुख्य भूमिका साकारल्या होते.

बोले इंडिया जय भीम (2016)
2016 साली प्रदर्शित झालेला ‘बोले इंडिया जय भीम’ हा देखील डॉ. बाबासाहेब आंबेडकर यांच्या जीवनावर बनलेला मराठी चित्रपट होता. या चित्रपटांशिवाय 2018 मध्ये प्रदर्शित झालेला ‘बाळ भीमराव’ आणि 2011 मध्ये रिलीज झालेला ‘रमाबाई भीमराव आंबेडकर’ यांसारखे आंबेडकरांवर आधारित मराठी चित्रपटही लोकांना आवडले. डॉ बाबासाहेब आंबेडकर यांच्या जीवनावर केवळ चित्रपटच नाही, तर अनेक टीव्ही मालिका आणि वेब सिरीजही बनवण्यात आल्या आहेत.