WI vs BAN : कोण आहे आमिर जांगू, ज्याने वनडे पदार्पणात केली इतिहासाची पुनरावृत्ती, 1978 नंतर पहिल्यांदाच घडले हे

आता प्रश्न असा आहे की आमिर जांगू कोण आहे? तर या प्रश्नाच्या उत्तराकडे येण्यापूर्वी जाणून घेऊया की तो अचानक चर्चेत का आणि कसा आला? वास्तविक, तिसऱ्या एकदिवसीय सामन्यात वेस्ट इंडिजने बांगलादेशवर विजय मिळवल्यानंतर हे घडले. या विजयाचा नायक आमिर जांगू होता, त्याने शतक झळकावून वेस्ट इंडिजला विजयाच्या उंबरठ्यावर नेले. वेस्ट इंडिजला विजय मिळवून देणाऱ्या जांगूचे हे शतक खास होते, कारण त्याने पदार्पणाच्याच सामन्यात त्याची स्क्रिप्ट लिहिली आणि एका महान विक्रमाची बरोबरी केली.

डेसमंड हेन्सनंतर एकदिवसीय पदार्पणात शतक झळकावणारा आमिर जांगू हा वेस्ट इंडिजचा दुसरा पुरुष क्रिकेटपटू आहे. हेन्सने 1978 मध्ये ही कामगिरी केली होती आणि आता 46 वर्षांनंतर आमिर जांगूने त्याच पराक्रमाची पुनरावृत्ती करून जागतिक क्रिकेटचे लक्ष वेधून घेतले आहे.

वेस्ट इंडिजच्या विजयात हिरो बनल्यानंतर आमिर जांगूने सांगितले हे सर्व कसे केले? जांगूने सांगितले की त्याने फक्त त्याचा मित्र केसी कार्टीचे ऐकले. त्याच्यासह दुसऱ्या टोकाला पदार्पणाच्या सामन्यात फलंदाजी करणे सोपे झाले. जांगूच्या म्हणण्यानुसार, कार्टीने त्याला फक्त त्याच्या पदार्पणाचा आनंद घे आणि तू जसा खेळतो तसा खेळायला सांगितले.

आता आमिर जांगूने त्याच्या मित्राने सांगितल्याप्रमाणे केले. त्याने सांगितले की 50 षटकात 322 धावा करण्याच्या लक्ष्याचा मी विचार करत नव्हता. उलट त्याने स्वतःसाठी 10-10 षटकांचे छोटे लक्ष्य ठेवले आणि ते पूर्ण करत राहिले. जो निकाल लागला, तो आता सर्वांसमोर आहे.

खुद्द आमिर जांगूने नाबाद 104 धावा केल्या. मात्र या शतकी खेळीदरम्यान त्याने त्याचा मित्र केसी कार्टीसह 5व्या विकेटसाठी वेस्ट इंडिजच्या स्कोअर बोर्डात 132 धावांची भर घातली. दोघांमधील भागीदारी 115 चेंडूंची होती, ज्यामध्ये जांगूने 62 आणि केसी कार्टीने 69 धावा केल्या.

आता प्रश्न असा आहे की आमिर जंगू कोण आहे? हा 27 वर्षीय यष्टीरक्षक फलंदाज त्रिनिदादचा खेळाडू आहे. देशांतर्गत क्रिकेटमध्ये 98 सामने खेळले आहेत, ज्यात 35 प्रथम श्रेणी, 50 लिस्ट ए आणि 13 टी-20 सामने आहेत. या तिन्ही फॉरमॅटसह देशांतर्गत क्रिकेटमध्ये त्याच्या नावावर 3500 हून अधिक धावा आहेत. या कालावधीत त्याने 3 शतके आणि 21 अर्धशतके केली आहेत.