फोन बंद करून ठेवणाऱ्या हेजल कीचला कॅन्सरची बातमी कळताच युवराज सिंगला केला मेसेज, अशा प्रकारे सुरू झाली त्यांची प्रेमकहाणी

युवराज सिंगने एकदा कपिल शर्माच्या शोमध्ये खुलासा केला होता की हेजलला पटवणे इतके सोपे नव्हते. युवीने सांगितले होते की, त्याची आणि ब्रिटिश मॉडेल हेजल कीचची पहिली भेट 2011 मध्ये एका मित्राच्या वाढदिवसाच्या पार्टीत झाली होती. युवी पहिल्याच नजरेत हेजलच्या प्रेमात पडला होता, पण हेजल हे मान्य करायला तयार नव्हती. युवराजने सांगितले की, त्या भेटीनंतर त्याने हेजलला अनेकदा कॉफी डेटसाठी विचारले होते. ती हो म्हणायची, पण नंतर फोन बंद करायची.

युवीने सांगितले की, त्याने एका जवळच्या मित्रालाही हेजलपासून दूर राहण्यास सांगितले होते. हेजलने तीन वर्षांनी युवराजला भेटण्यास होकार दिला, तेव्हा एक नवीन गोष्ट सुरू झाली. त्यानंतर तब्बल तीन वर्षांनी हेजलने युवराजची फेसबुक रिक्वेस्ट स्वीकारली. इथून त्यांच्यातील प्रेम पुन्हा उफाळून आले. 2011 च्या वर्ल्ड कपनंतर युवराजला कॅन्सर झाला, तेव्हा हेजलने त्याला मेसेज केला होता. यानंतर दोघांच्या भेटीची प्रक्रिया सुरू झाली.

युवराज जेव्हा तीन वर्षांनंतर पहिल्यांदा हेजलला भेटला, तेव्हा त्याने तिला आपल्या सर्व भावना सांगितल्या आणि तिला प्रपोज केले. तेव्हा हेझल म्हणाली, तू छान दिसत आहेस, मी बघेन मला काय करायचे आहे. यानंतर दोघांनी 2015 मध्ये त्यांच्या एंगेजमेंटची घोषणा केली आणि त्यानंतर 30 नोव्हेंबर 2016 रोजी दोघांनी लग्न केले. हे जोडपे सुखी वैवाहिक जीवनाचा आनंद घेत असून त्यांना दोन सुंदर मुले आहेत.