Nayanthara Dhanush Fight: धनुष-नयनताराचा वाद पोहचला कोर्टात, मद्रास हायकोर्टाने मागितले अभिनेत्रींकडून उत्तर

द हिंदूच्या वृत्तानुसार, धनुषची प्रोडक्शन हाऊस कंपनी वंडरबार फिल्म्स प्रायव्हेट लिमिटेड नयनतारा, विघ्नेश आणि त्यांची कंपनी राऊडी पिक्चर्स प्रायव्हेट लिमिटेड यांच्या विरोधात न्यायालयात गेली आहे. नेटफ्लिक्सच्या डॉक्यु-ड्रामा नयनथारा: बियॉन्ड द फेयरीटेलमध्ये त्यांनी नानुम राउडी धान चित्रपटातील व्हिज्युअल वापरल्याचा आरोप याचिकेत करण्यात आला आहे.

धनुषच्या कंपनीने लॉस गॅटोस प्रोडक्शन सर्व्हिसेस इंडिया एलएलपी विरुद्ध खटला चालवण्यास मंजुरी मिळण्यासाठी उच्च न्यायालयात अर्जही दाखल केला आहे. ही तीच कंपनी आहे ज्याद्वारे Netflix भारतात तिच्या सामग्री गुंतवणुकीचा अहवाल देते. लॉस गॅटोस ही मुंबईस्थित कंपनी असल्याने, धनुषने लेटर्स पेटंटच्या कलम 12 चा वापर करण्यासाठी उच्च न्यायालयात अपील केले.

या प्रकरणी मद्रास उच्च न्यायालयाने दोन्ही पक्षांचा प्राथमिक युक्तिवाद ऐकून मंजूर केला. या प्रकरणाचे प्रमुख कारण उच्च न्यायालयाच्या कार्यकक्षेत येते, असे न्यायालयाने म्हटले आहे. रिपोर्टनुसार, आता नयनताराला पुढील सुनावणीच्या वेळी नोटीसचे उत्तर द्यावे लागणार आहे.

अलीकडेच नयनताराने तिच्या सोशल मीडिया हँडलवर एक लांबलचक ओपन लेटर शेअर केले आहे. धनुषला उद्देशून या पत्रात अभिनेत्रीने धनुषवर तिला व्हिज्युअल वापरण्याची परवानगी न दिल्याचा आरोप केला होता. व्हिज्युअल मंजूर नसताना आणि चित्रपटाशी संबंधित कोणतेही फुटेज वापरले नसताना त्याने डॉक्युमेंटरी संपादित केल्याचा दावा नयनताराने केला होता. तिने सांगितले की, धनुषने तीन सेकंदांचे व्हिज्युअल वापरल्याबद्दल त्याला 10 कोटी रुपयांची कायदेशीर नोटीस पाठवली होती.

नानुम राउडी धन हा तमिळ चित्रपट 2015 मध्ये प्रदर्शित झाला होता. यामध्ये नयनतारा आणि विजय सेतुपती मुख्य भूमिकेत दिसले होते. या चित्रपटाचे दिग्दर्शन विघ्नेश सिवन याने केले होते. या चित्रपटादरम्यान विघ्नेश सिवन आणि नयनतारा जवळ आले आणि दोघांनी 2022 मध्ये लग्न केले.