हिंदू धर्मात रुद्राक्ष हे शिवाचे प्रतीक मानले जाते आणि ते धारण केल्याने व्यक्तीला अनेक फायदे होतात, परंतु रुद्राक्ष धारण करताना काही गोष्टी लक्षात ठेवल्या पाहिजेत. कारण देवाधी देव महादेवाला रुद्राक्ष अत्यंत प्रिय आहे. म्हणूनच ते अंगावर घालतात. महादेवाचा आशीर्वाद घेण्यासाठी जो कोणी त्यांना रुद्राक्ष अर्पण करतो, त्याला प्रत्येक कामात यश मिळू लागते.
Rudraksha Wearing Rules : गळ्यात घालायचे असले रुद्राक्ष, तर चुकूनही या करू नका चुका, अन्यथा संकटांनी भरून जाईल आयुष्य !
असे मानले जाते की रुद्राक्ष धारण केल्याने व्यक्तीला रक्तदाब आणि हृदयविकाराशी संबंधित आजार सहजपणे होत नाहीत. रुद्राक्ष वेगवेगळे आकार आणि पट्टे आहेत आणि त्यांची अलौकिक शक्ती देखील भिन्न आहे. रुद्राक्ष अत्यंत पवित्र आणि शुभ मानला जात असल्यामुळे तो धारण करण्याचे काही खास नियम आहेत. त्याचे पालन न केल्यास त्याचे परिणाम तुम्हाला भोगावे लागू शकतात.
झोपताना रुद्राक्ष धारण करू नये
ज्योतिष शास्त्रानुसार झोपण्यापूर्वी रुद्राक्ष काढून ठेवावा. असे मानले जाते की रुद्राक्ष धारण करून झोपल्यास ते अपवित्र होते. दुसऱ्या दृष्टीकोनातून बघितले तर झोपताना रुद्राक्ष तुटण्याची भीती असते, म्हणून झोपण्यापूर्वी काढण्याचा नियम आहे. सकाळी आंघोळ केल्यावरच ते पुन्हा घालावे.
मांस आणि मद्य सेवन करू नका
रुद्राक्ष अत्यंत पवित्र मानला जातो, त्यामुळे मांस आणि मद्य सेवन करताना धारण करू नये. असे मानले जाते की रुद्राक्ष हे भगवान शिवाला अर्पण आहे, म्हणून त्याचे पावित्र्य भंग केल्यास व्यक्तीवर प्रतिकूल परिणाम होऊ शकतात.
मुलाच्या जन्मावर रुद्राक्ष धारण करू नये
हिंदू धर्मात अशी धारणा आहे की नवजात बालकाच्या जन्मानंतर सुतक लागते, त्यामुळे काही दिवस गोष्टी अशुद्ध राहतात. अशा परिस्थितीत मुलाच्या जन्मानंतर आई आणि मुलाने रुद्राक्ष धारण करणे टाळावे.
राशीनुसार रुद्राक्ष धारण करा
ज्योतिषशास्त्रानुसार सुख, समृद्धी आणि सौभाग्याची इच्छा पूर्ण करण्यासाठी व्यक्तीने नेहमी राशीनुसार रुद्राक्ष धारण केले पाहिजे. जाणून घेऊया 12 राशींसाठी कोणता रुद्राक्ष शुभ असेल.
- मेष – एक मुखी, तीन मुखी किंवा पाच मुखी रुद्राक्ष
- वृषभ – चार मुखी, सहा मुखी किंवा चौदा मुखी रुद्राक्ष
- मिथुन – चार मुखी, पाच मुखी आणि तेरा मुखी रुद्राक्ष
- कर्क – तीन मुखी, पाच मुखी किंवा गौरी-शंकर रुद्राक्ष
- सिंह – एक मुखी, तीन मुखी आणि पाच मुखी रुद्राक्ष
- कन्या – चार मुखी, पाच मुखी आणि तेरा मुखी
- तूळ – चार मुखी, सहा मुखी किंवा चौदा मुखी रुद्राक्ष
- वृश्चिक – तीन मुखी, पाच मुखी किंवा गौरी-शंकर रुद्राक्ष
- धनु – एक मुखी, तीन मुखी किंवा पाच मुखी रुद्राक्ष
- मकर – चार मुखी, सहा मुखी किंवा चौदा मुखी रुद्राक्ष
- कुंभ – चार मुखी, सहा मुखी किंवा चौदा मुखी रुद्राक्ष
- मीन – तीन मुखी, पाच मुखी किंवा गौरी-शंकर रुद्राक्ष