IPL 2025 Auction : कोणत्या खेळाडूंना मिळणार 641 कोटी रुपये, कोणती 373 नावे पडतील बाहेर, जाणून घ्या IPL लिलावातील महत्त्वाच्या गोष्टी


स्टेज तयार आहे, संघ तयार आहेत आणि इतिहास रचला जाणार आहे… जगातील सर्वात मोठी क्रिकेट लीग आयपीएलचा घोळका सौदी अरेबियातील जेद्दाह शहरात पाहायला मिळणार आहे. IPL 2025 चा मेगा लिलाव जेद्दाह येथे होणार आहे. हा लिलाव 24 आणि 25 नोव्हेंबर असे दोन दिवस चालणार आहे. या लिलावात अनेक खेळाडूंच्या भवितव्याचा फैसला होणार आहे. या लिलावात 10 संघ निश्चित होणार आहेत. या लिलावात कोणता संघ सर्वोत्कृष्ट ठरेल आणि यावेळी कोण चॅम्पियन ठरेल. आयपीएल लिलावाच्या पाच मोठ्या गोष्टी आम्ही तुम्हाला सांगत आहोत.

जेद्दाह येथील अबादी अल जोहर एरिना येथे आयपीएलचा लिलाव होणार आहे. हे एरिना 14 हजार स्क्वेअर मीटर क्षेत्रात पसरले आहे, ज्यामध्ये 15000 लोक बसू शकतात. भारतीय वेळेनुसार दुपारी 3.30 वाजता या एरिनात लिलाव सुरू होईल. पहिल्या दिवशी रात्री 10.30 वाजता संपेल. हा लिलाव दोन दिवस चालेल आणि त्याचे थेट प्रक्षेपण स्टार स्पोर्ट्स आणि जिओ सिनेमावर केले जाईल.

आयपीएलच्या दहा संघांकडे 641 कोटी आणि 50 लाख रुपये आहेत. पंजाब किंग्सकडे सर्वाधिक पैसा आहे. या संघाने केवळ 2 अनकॅप्ड खेळाडूंना कायम ठेवले होते, त्यामुळे पंजाबकडे सर्वाधिक 110 कोटी 50 लाख रुपये शिल्लक आहेत. यानंतर, RCB 83 कोटी रु., गुजरात टायटन्स- 69 कोटी रु., चेन्नई सुपर किंग्जकडे 55 कोटी, केकेआर 51 कोटी, सनरायझर्स हैदराबादकडे 45 कोटी, मुंबई इंडियन्सकडे 45 कोटी आणि राजस्थान रॉयल्सकडे 41 कोटी रुपये आहेत.

आयपीएल लिलावासाठी 1574 खेळाडूंनी नोंदणी केली होती, परंतु नंतर एकूण 574 खेळाडूंची निवड करण्यात आली. नंतर, जोफ्रा आर्चरसह आणखी 3 नावे जोडली गेली, म्हणजे या लिलावात एकूण 577 खेळाडूंवर बोली लावायची आहे. मोठी गोष्ट म्हणजे यापैकी 373 किंवा त्याहून अधिक खेळाडूंना निराशेचा सामना करावा लागू शकतो, कारण सर्व फ्रँचायझी मिळून जास्तीत जास्त 204 खेळाडू खरेदी करू शकतात.

IPL 2025 च्या लिलावात 12 मार्की खेळाडू आहेत. यातील 11 खेळाडूंची मूळ किंमत 2 कोटी रुपये आहे, तर डेव्हिड मिलरची मूळ किंमत 1.5 कोटी रुपये आहे. मार्की खेळाडूंमध्ये ऋषभ पंत, श्रेयस अय्यर, बटलर, अर्शदीप सिंग, कागिसो रबाडा, मिचेल स्टार्क, केएल राहुल, युझवेंद्र चहल, लियाम लिव्हिंगस्टन, डेव्हिड मिलर, मोहम्मद शमी आणि मोहम्मद सिराज यांचा समावेश आहे.

प्रथम लिलाव मार्की खेळाडूंच्या दोन्ही संचाच्या बोलीसह सुरू होईल. यानंतर, कॅप्ड खेळाडूंच्या पहिल्या सेटसाठी बोली लावली जाईल. यामध्ये फलंदाज, वेगवान गोलंदाज, फिरकीपटू, अष्टपैलू खेळाडू, यष्टिरक्षक यांचा समावेश असेल. पुढील फेरीत, या विविध श्रेणींमध्ये अनकॅप्ड खेळाडूंसाठी बोली लावली जाईल.