भारत आणि ऑस्ट्रेलिया यांच्यात पर्थ येथे खेळल्या जात असलेल्या कसोटी सामन्याच्या पहिल्याच दिवशी असे काही पाहायला मिळाले की ज्याची अपेक्षा कोणीही केली नसेल. पर्थ कसोटीच्या पहिल्या डावात टीम इंडिया अवघ्या 150 धावांत गडगडली आणि त्यानंतर ऑस्ट्रेलियानेही अवघ्या 67 धावांत 7 विकेट गमावल्या. अशा प्रकारे संपूर्ण दिवसात एकूण 17 विकेट पडल्या. पर्थ कसोटीच्या पहिल्या दिवशी एकही अर्धशतक झळकावले नाही पण 5 मोठ्या गोष्टी नक्कीच पाहायला मिळाल्या, जाणून घ्या त्याची माहिती.

पर्थमध्ये टीम इंडिया अवघ्या 150 धावांवर आटोपली, जी ऑस्ट्रेलियन भूमीवर टीम इंडियाची सर्वात कमी धावसंख्या आहे. याआधी सिडनीमध्येही भारतीय संघ 150 धावांत आटोपला होता. हा सामना 2000 साली झाला होता. 1947 मध्ये झालेल्या ऑस्ट्रेलियात दुसऱ्या डावातही भारतीय संघ 58 धावांत ऑलआऊट झाला होता.

भारतीय संघ यंदा पाचव्यांदा कसोटी सामन्यात 160 पेक्षा कमी धावसंख्येवर कोसळला आहे. याआधी केवळ 1952 आणि 1959 मध्ये टीम इंडियाची कसोटी सामन्यांमध्ये अशी वाईट स्थिती होती.

जैस्वाल, पडिक्कल पर्थ कसोटीत शून्यावर बाद झाले. यावर्षी भारताचे 18 फलंदाज कसोटी सामन्यात शून्यावर बाद झाले आहेत. भारतीय क्रिकेटच्या इतिहासातील ही सर्वात खराब कामगिरी आहे. याआधी 2008 आणि 1983 मध्ये कसोटी सामन्यात 17 भारतीय फलंदाज शून्यावर बाद झाले होते.

विराट कोहलीला यावर्षी 26 डावांमध्ये 12 वेळा दुहेरी आकडा गाठण्यात अपयश आले. कोणत्याही भारतीय खेळाडूची ही सर्वात खराब कामगिरी आहे. रोहित शर्मा देखील या वर्षात 12 वेळा दुहेरी आकडा गाठण्यात अपयशी ठरला, त्याने 35 डाव खेळले आहेत.

ऋषभ पंतने ऑस्ट्रेलियाच्या भूमीवर 661 कसोटी धावा केल्या आहेत. तो ऑस्ट्रेलियन भूमीवर सर्वाधिक धावा करणारा परदेशी यष्टीरक्षक बनला आहे. त्याने अवघ्या 13 डावात ही कामगिरी केली.