Box Office : अजय देवगणने एका दिवसात कधीच कमावले नव्हते इतके पैसे, ‘सिंघम अगेन’ने पूर्ण केली त्याची सर्व स्वप्ने!

‘सिंघम अगेन’ बनवण्यासाठी रोहित शेट्टीने 350 ते 375 कोटी रुपये खर्च केले आहेत. तसे पाहिले तर हा एक बिग बजेट चित्रपट आहे. SACNILC च्या ताज्या अहवालानुसार, चित्रपटाने रिलीजच्या पहिल्याच दिवशी बॉक्स ऑफिसवर 43 कोटी रुपयांचा चांगला व्यवसाय केला आहे. ‘सिंघम अगेन’ अजय देवगणचा आतापर्यंतचा सर्वात मोठा सलामीवीर ठरला आहे. याआधी अजयच्या एकाही चित्रपटाने पहिल्या दिवशी हा आकडा गाठला नव्हता.

2014 साली जेव्हा ‘सिंघम रिटर्न्स’ रिलीज झाला, तेव्हा या चित्रपटानेही भरघोस कमाई करून सर्वांना खुश केले होते. हा ‘सिंघम’ फ्रँचायझीचा दुसरा भाग होता. या चित्रपटाने रिलीजच्या पहिल्याच दिवशी एकूण 31.68 कोटींची कमाई केली होती. मात्र, ‘सिंघम अगेन’ने आता त्याचाही विक्रम मोडला आहे. अजयच्या कॉप फ्रँचायझीचा तिसरा भाग ‘सिंघम अगेन’ पहिल्या दिवशी सर्वाधिक कमाई करणारा चित्रपट ठरला आहे.

रोहित शेट्टीने सिंघम फ्रँचायझीचा पहिला भाग ‘सिंघम’ 2011 मध्ये बॉक्स ऑफिसवर रिलीज केला होता. या चित्रपटाने पहिल्याच दिवशी 8.94 कोटींचा व्यवसाय केला होता. हा चित्रपट हिट झाला असला तरी, या चित्रपटानंतर रोहित शेट्टीने याला मोठा आकार दिला आणि कॉप युनिव्हर्समध्ये काम करण्यास सुरुवात केली. अजय देवगणसाठी ‘सिंघम अगेन’ हा एका मोठ्या आनंदापेक्षा कमी नाही. त्याचा चित्रपट भरघोस नफा कमवेल अशी अपेक्षा आहे.