देशातील प्रसिद्ध कुबेर मंदिर, जिथे नुसत्या दर्शनाने होतात समस्या दूर! धनत्रयोदशी-दिवाळीला असते गर्दी

कुबेराच्या मंदिरात गेल्याने धनाची प्राप्ती होते, असे मानले जाते. जो कोणी खऱ्या श्रद्धेने भगवान शिवाच्या मंदिरात जातो, त्याच्या सर्व मनोकामना पूर्ण होतात. विशेषत: जे कर्जामुळे त्रस्त आहेत, त्यांना या समस्येपासून आराम मिळतो. आम्ही तुम्हाला अशाच देशातील प्रसिद्ध कुबेर मंदिरांबद्दल सांगणार आहोत.

उत्तराखंडमधील कुबेर मंदिर
भारतातील सर्वात जुने कुबेर मंदिर उत्तराखंडमध्ये आहे. हे कुबेर मंदिर अल्मोडापासून 40 किलोमीटर अंतरावर आहे. आम्ही तुम्हाला सांगतो की हे मंदिर जागेश्वर धामच्या आत येते. दरवर्षी धनत्रयोदशी आणि दिवाळीच्या दिवशी लोकांची गर्दी असते. असे म्हणतात की या दोन दिवशी जो कोणी या मंदिरात येतो, तो रिकाम्या हाताने परतत नाही.

गुजरातचे कुबेर भंडारी मंदिर
गुजरातमधील वडोदरा येथून 60 किलोमीटर अंतरावर असलेले हे कुबेर मंदिर खूप प्रसिद्ध आहे. असे म्हटले जाते की वडोदराचे हे कुबेर भंडारी मंदिर 2500 वर्षांहून अधिक जुने आहे. हे मंदिर नर्मदा नदीच्या काठावर आहे. येथेही धनत्रयोदशी आणि दिवाळीला लोकांची मोठी गर्दी असते. इथे जो येतो, तो रिकाम्या हाताने परतत नाही. दिवाळीच्या दिवशी या मंदिरात सर्वाधिक गर्दी असते.

खंडव्याचे कुबेर मंदिर
मध्य प्रदेशात कुबेराची तीन मंदिरे आहेत. तिन्ही मंदिरे मंदसौर, उज्जैन आणि खंडवा येथे आहेत. मात्र या तिघांपैकी ओंकारेश्वर येथे असलेल्या खंडव्यातील कुबेर मंदिरात सर्वाधिक गर्दी दिसून येते. खंडव्याच्या कुबेर मंदिरात गेल्याने समस्या दूर होतात असे म्हणतात.