Apple ने 12 सप्टेंबर रोजी क्यूपर्टिनो, कॅलिफोर्निया, यूएसए येथे आयोजित केलेल्या ‘इट्स ग्लोटाइम’ कार्यक्रमात आयफोन 16 मालिका लॉन्च केली. या मालिकेत Apple ने चार iPhone 16 फोन लॉन्च केले. ज्यामध्ये iPhone 16, iPhone 16 Plus, iPhone 16 Pro आणि iPhone 16 Pro Max होते.
चीन आणि जपानमध्ये का मिळतो उर्वरित जगापेक्षा वेगळा आयफोन? किती असतो फरक ते घ्या जाणून
Apple ने आपल्या ‘Its Glotime’ इव्हेंटमध्ये संपूर्ण जगाला सांगितले असेल की iPhone 16 मधील सर्व वैशिष्ट्ये समान आहेत, परंतु तसे नाही. कारण जगातील विविध देशांच्या कायद्यानुसार ॲपलला आपल्या आयफोनमध्ये काही बदल करावे लागतात. त्यामुळे चीन आणि जपानमध्ये वेगवेगळे आयफोन उपलब्ध आहेत.
हाँगकाँग, चीन आणि मकाऊमध्ये ई-सिम सपोर्ट नाही
हाँगकाँग, मकाऊ आणि चीनमध्ये विकल्या जाणाऱ्या आयफोनमध्ये दोन सिम सपोर्ट दिला जातो. हा जगातील एकमेव आयफोन आहे, जो एका ऐवजी दोन सिम स्लॉटसह येतो. यात ई-सिम सपोर्ट नाही. मात्र, हा आयफोन खूप प्रवास करणाऱ्या लोकांसाठी योग्य नाही. कारण चीनमध्ये फोन नंबर लोकल एरियाशी जोडले जातात आणि लोकेशन बदलताना नवीन सिमकार्ड घ्यावे लागते. भारतात आयफोनमध्ये एक फिजिकल सिम आणि एक ई-सिम वापरता येते.
अमेरिकेत कोणताही फिजिकल सिम स्लॉट नाही
चीन आणि हाँगकाँगमध्ये विकल्या गेलेल्या आयफोनच्या विपरीत, अमेरिकेत विकल्या जाणाऱ्या आयफोनमध्ये प्रत्यक्ष सिम स्लॉट नसतो. आयफोन-14 पासून अमेरिकेत ई-सिमचा वापर सुरू झाला आहे. आयफोन हा अमेरिकेतील एकमेव फोन आहे, जो 5G च्या प्रगत आवृत्तीला सपोर्ट करतो.
जपानमध्ये आयफोनवर कॅमेरा आवाज अनिवार्य
जपानमध्ये अॅपल मोबाईलमध्ये कॅमेराचा आवाज बंद करण्याची सेटिंग नसते. इथे फोटो काढताना कॅमेराच्या शटरचा आवाज कायमस्वरूपी चालू ठेवावा लागतो. हे अशामुळे केले गेले आहे, कारण जपानी लोक संमतीशिवाय फोटो काढणे चांगले शिष्टाचार मानत नाहीत. जपानशिवाय, तुम्ही सेटिंग्जमध्ये जाऊन जगात कुठेही कॅमेराचा आवाज बंद करू शकता.
युरोपमध्ये आयफोनमध्ये असते थर्ड पार्टी ॲप स्टोअर
ॲपलमध्ये कोणतेही ॲप डाउनलोड करण्यासाठी ॲपल स्टोअर आहे. परंतु युरोपियन युनियन देशांमध्ये Apple App Store व्यतिरिक्त, iPhone चे थर्ड पार्टी ॲप स्टोअर देखील आहे. युरोपियन युनियनमध्ये फ्रान्स, जर्मनी, स्पेन, इटली या देशांचा समावेश आहे. हा बदल सॉफ्टवेअरशी संबंधित आहे. तुम्ही युरोपमध्ये खरेदी केलेला फोन युरोपबाहेर घेतल्यास, तुम्ही थर्ड पार्टी ॲप स्टोअरमध्ये प्रवेश गमावाल. ते सर्व्हरशी जोडलेले राहते.