संजू सॅमसनने दुलीप ट्रॉफीमध्ये भारत ब विरुद्ध तुफानी शतक झळकावले आहे. अनंतपूर येथे झालेल्या सामन्यात त्याने श्रेयस अय्यरच्या नेतृत्वाखाली भारत ड संघासाठी 101 चेंडूत 106 धावांची खेळी केली. संजू सॅमसनने शतक झळकावण्यासाठी केवळ 94 चेंडूंचा सामना केला. दुलीप ट्रॉफीच्या चालू हंगामातील हे सर्वात वेगवान शतक आहे. दुलीप ट्रॉफीच्या या मोसमात 100 किंवा त्याहून अधिक स्ट्राइक रेटने झळकावलेले हे पहिले शतक आहे. या स्फोटक खेळीसह सॅमसनने प्रथम श्रेणी कारकिर्दीतील 11वे शतक झळकावले आहे.
संजू सॅमसनने तब्बल 5 वर्षांनंतर प्रथम श्रेणीत शतक झळकावले आहे. याआधी त्याने 2019 मध्ये बंगालविरुद्ध 116 धावांची इनिंग खेळली होती. त्यानंतर, या सामन्यापूर्वी सॅमसनला फक्त 9 लाल चेंडू सामने खेळायला मिळाले. या स्पर्धेच्या पहिल्या सामन्यातही भारत ड संघाचा कर्णधार श्रेयस अय्यरने त्याला बेंचवर बसवले होते. दुलीप ट्रॉफीच्या दुसऱ्या सामन्यात त्याने सॅमसनला पहिल्यांदा संधी दिली. सॅमसनला पहिल्याच सामन्यात काही विशेष कामगिरी करता आली नाही. पण दुस-याच सामन्यात त्याने आपल्या बॅटने भारत ब संघाच्या गोलंदाजांवर कहर केला.
संजू सॅमसनच्या शानदार शतकानंतर पुन्हा एकदा त्याच्या टीम इंडियातील स्थानावरून वाद सुरू झाला आहे. सॅमसनचे चाहते पुन्हा न्यायाची मागणी करत आहेत. कोणतीही प्रसिद्धी न केल्यामुळे त्याची टीम इंडियात निवड होत नाही, असे त्यांचे मत आहे. निवडकर्ते त्याला सातत्यपूर्ण संधी देत नाहीत, तर इतर फलंदाजांना फ्लॉप होऊनही संधी दिली जाते.
https://x.com/samson_zype/status/1836762533501219080?ref_src=twsrc%5Etfw%7Ctwcamp%5Etweetembed%7Ctwterm%5E1836762533501219080%7Ctwgr%5Ea2fac9d25246239c43ea514501b5de189a73d2ec%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fsanju-samson-hits-fastest-century-in-duleep-trophy-amid-india-bangladesh-test-11th-first-class-hundred-2840110.html
भारत ब संघाचा कर्णधार अभिमन्यू इश्वरनने नाणेफेक जिंकून भारत ड ला फलंदाजीसाठी सांगितले. भारत ड चा सलामीवीर देवदत्त पडिक्कल आणि श्रीकर भरत यांनी चांगली सुरुवात केली होती. दोघांनी मिळून पहिल्या विकेटसाठी 105 धावांची भागीदारी केली. पण 50 धावा करताच संघाने 4 विकेट गमावल्या. कर्णधार श्रेयस अय्यर खाते न उघडताच बाद झाला आणि भारत ड संकटात सापडला. यानंतर सॅमसन सहाव्या क्रमांकावर फलंदाजीला आला.
काही वेळाने दुसऱ्या टोकाकडून रिकी भुईही बाद झाला. 216 धावांवर निम्मा संघ पॅव्हेलियनमध्ये गेला होता. त्यानंतर सॅमसनने पलटवार सुरू केला. त्याने चौकार मारण्यास सुरुवात केली आणि भारत ब संघाला बॅकफूटवर ढकलले. सॅमसनने 106 धावांच्या खेळीत 12 चौकार आणि 3 षटकार मारले. त्याच्या खेळीमुळे भारत ड संघ पहिल्या डावात 349 धावा करू शकला.