शाहरुख खान आणि सलमान खान हे बॉलिवूडचे दोन दिग्गज स्टार आहेत. आज हे दोन खान इंडस्ट्रीवर राज्य करतात. त्यांच्या नावावरच चित्रपट बॉक्स ऑफिसवर हिट होतात. जेव्हा लोक सलमान-शाहरुखला मोठ्या पडद्यावर एकत्र पाहतात, तेव्हा ते खूप टाळ्या आणि शिट्ट्या वाजवतात. ही जोडी पहिल्यांदा 1995 मध्ये आलेल्या ‘करण अर्जुन’ चित्रपटात एकत्र दिसली होती. या दोघांचा हा चित्रपट ब्लॉकबस्टर ठरला. शाहरुख-सलमान ही इंडस्ट्रीतील सर्वात हिट जोडी मानली जाते. शाहरुखच्या चित्रपटांमध्ये सलमानचा कॅमिओ अनेकदा पाहायला मिळतो. सलमान जेव्हा जेव्हा त्याच्या खास मित्राच्या चित्रपटांमध्ये दिसतो, तेव्हा त्याचा चित्रपट 1000 कोटी रुपयांपर्यंत कमावतो.
जेव्हा-जेव्हा शाहरुख खानच्या चित्रपटात सलमान खानने केला कॅमिओ, तेव्हा लोकांनी वाजवल्या खूुप टाळ्या
पठाण
4 वर्षांनंतर जेव्हा शाहरुख खानने मोठ्या पडद्यावर पुनरागमन करण्याचा निर्णय घेतला, तेव्हा त्याने ‘पठाण’मध्ये सलमानसोबतच्या मैत्रीची झलकही दाखवली. सलमान आणि शाहरुख बऱ्याच दिवसांनी ‘पठाण’मध्ये एकत्र दिसले. या जोडीची स्वतःची फॅन आर्मी आहे. ‘पठाण’मध्ये सलमान खानचा कॅमिओ असल्याची बातमी समोर येताच, चित्रपट पाहण्यासाठी लोकांनी थिएटरमध्ये गर्दी केली होती. एकीकडे शाहरुख खानची मोहिनी आणि दुसरीकडे भाईजानचा स्वॅग… या दोन्ही गोष्टी एकाच चित्रपटात पाहायला मिळाल्यावर चित्रपट पाहणारे प्रेक्षक आपापल्या जागेवर चिकटून राहतात. ‘पठाण’ने बॉक्स ऑफिसवर 1000 कोटींहून अधिक कमाई केली होती. शाहरुखचा हा पहिला 1000 कोटींचा चित्रपट होता.
कुछ कुछ होता है
आजही प्रेक्षक शाहरुख खान, काजोल आणि राणी मुखर्जी स्टारर ‘कुछ कुछ होता है’ बघायला आवडतो. लोकांच्या बालपणीच्या आठवणीही या चित्रपटाशी जोडलेल्या आहेत. करण जोहरने स्वत: अनेकदा खुलासा केला आहे की, जेव्हा तो चित्रपटात अमनची भूमिका साकारण्यासाठी कोणालातरी शोधत होता, तेव्हा ही भूमिका करायला कोणी तयार नव्हते. शाहरुखसमोर छोटा कॅमिओ करायला सगळ्यांनी नकार दिला होता. त्यानंतर सलमानने करणला फोन करून ही भूमिका करण्यास होकार दिला. आमच्यावर विश्वास ठेवा, जेव्हा सलमान ‘कुछ कुछ होता है’मध्ये प्रवेश केला, तेव्हा लोक शाहरुख खानलाही विसरले. आपल्या छोट्याशा भूमिकेने सलमानने संपूर्ण स्टारकास्टवर छाप टाकली. 1998 मध्ये रिलीज झालेल्या ‘कुछ कुछ होता है’ बनवण्यासाठी 14 कोटी रुपये खर्च करण्यात आले होते. मात्र या चित्रपटाने जगभरात 91 कोटींहून अधिक कमाई केली होती.
हम तुम्हारे है सनम
2002 मध्ये शाहरुख खानच्या ‘हम तुम्हारे हैं सनम’ या चित्रपटात सलमान खानचा कॅमिओ पुन्हा एकदा दिसला होता. त्यामुळे कॅमिओ रोलनुसार सलमानचा स्क्रीन टाइम जास्त होता. पण या चित्रपटाचे मुख्य कलाकार होते शाहरुख खान आणि माधुरी दीक्षित. या चित्रपटात सलमानसोबत ऐश्वर्या रायचाही कॅमिओ होता. एका रिपोर्टनुसार, या चित्रपटाचे बजेट जवळपास 12 कोटी रुपये होते. ‘हम तुम्हारे हैं सनम’ने बॉक्स ऑफिसवर एकूण 34.76 कोटींची कमाई करून सर्वांना आनंद दिला. आजही लोक कंटाळा न करता हे चित्रपट अनेकवेळा पाहतात. आता असे मानले जाते की शाहरुखच्या ‘पठाण 2’ मध्येही सलमान खानची खास भूमिका असू शकते.