सेबी प्रमुख माधबी पुरी बुच यांनी तीन ठिकाणांहून पगार घेतल्याचा आरोप काँग्रेसने केला आहे. सेबी प्रमुखांनी आयसीआयसीआय बँकेतून पगारही घेतला आणि खासगी बँकेकडूनही अनेक फायदे घेत असल्याचा आरोप काँग्रेसने केला आहे. हिंडेनबर्गच्या अहवालातही सेबी प्रमुखांवर अनेक आरोप करण्यात आले होते. अशा परिस्थितीत सेबीच्या प्रमुख माधबी पुरी बुच कोण आहेत आणि त्यांनी कुठे शिक्षण घेतले आहे ते जाणून घेऊया. त्यांनी सेबीच्या आधी कुठे काम केले आहे?
कोण आहेत सेबी प्रमुख माधबी पुरी, त्यांनी कुठे शिक्षण घेतले? ज्यांच्यावर झाला 3 ठिकाणांहून पगार घेतल्याचा आरोप
सेबीच्या प्रमुख होण्यापूर्वी, त्या सेबीच्या पूर्णवेळ सदस्य होत्या आणि बाजार नियमन, गुंतवणूक व्यवस्थापन आणि आयटी संबंधित कार्ये पाहत होत्या. 1 मार्च 2022 रोजी त्यांना सेबीचे अध्यक्ष बनवण्यात आले. त्या पहिल्या महिला आहेत, ज्या सेबी प्रमुख बनल्या. दरम्यान काँग्रेसच्या मीडिया विभागाचे प्रमुख पवन खेडा यांनी आरोप केला आहे की, माधबीने 4 वर्षात आयसीआयसीआय बँकेतून 16.80 कोटी रुपये पगार घेतला आणि त्याच काळात त्यांना सेबीकडून 3.30 कोटी रुपये पगारही मिळाला.
माधबी यांनी 1993 ते 1995 दरम्यान वेस्ट चेशायर कॉलेज, इंग्लंड येथे व्याख्याता म्हणून काम केले. यानंतर पुरी यांनी जवळपास 12 वर्षे वेगवेगळ्या कंपन्यांमध्ये काम केले. याशिवाय त्यांनी 2013 ते 2017 या काळात ब्रिक्स बँकेत सल्लागार म्हणूनही काम केले आहे.
पुरी यांनी सुरुवातीचे शिक्षण मुंबई आणि दिल्ली येथून पूर्ण केले. त्यांनी दिल्ली विद्यापीठाच्या सेंट स्टीफन्स कॉलेजमधून गणित विषयात पदवी प्राप्त केली आहे. त्यांनी आयआयएम अहमदाबादमधून एमबीए पदवी मिळवली आहे. त्यांनी आपल्या करिअरची सुरुवात आयसीआयसीआय बँकेतून केली.