Janmashtami : जन्माष्टमीपूर्वी घरी आणा या वस्तू, तुम्हाला मिळेल भगवान श्रीकृष्णाचा आशीर्वाद!

भगवान श्रीकृष्णाला मोराची पिसे खूप प्रिय आहेत. भगवान श्रीकृष्ण आपल्या मुकुटात नेहमी मोराची पिसे वापरत. मोराची पिसे आणल्याने घरात सकारात्मक ऊर्जेचा प्रवाह वाढतो. तसेच खरेदी केल्यानंतर मोराची पिसे घरी आणल्यास घरातील संकटे दूर होतात.

भगवान श्रीकृष्णाला लहानपणापासूनच लोणी आवडते हे तुम्हाला माहितच असेल. श्रीकृष्ण घरातून लोणी चोरून खात असत. म्हणूनच त्याला माखन चोर असेही म्हणतात. जन्माष्टमीच्या दिवशी लोण्यामध्ये तुळस घालून भगवान श्रीकृष्णाला अर्पण केल्यास तुमच्या सर्व मनोकामना पूर्ण होतील.

बासरी
जेंव्हा तुम्ही भगवान श्रीकृष्णाचे चित्र पाहाल, त्यात नक्कीच बासरी असेल. भगवान श्रीकृष्णाला बासरीची खूप आवड आहे. बासरीवरील प्रेमामुळे त्यांना बन्सीधर असेही म्हटले जाते. जन्माष्टमीच्या दिवशी चांदीची किंवा लाकडी बासरी खरेदी करून भगवान श्रीकृष्णाला अर्पण करा. पूजा संपल्यानंतर तिजोरीत ठेवा. यामुळे घरातील आर्थिक समस्या दूर होतात.

गाय-वासराची मूर्ती
ज्योतिषशास्त्रानुसार गायींमध्ये अनेक देवी-देवता वास करतात. घरातील पहिली चपाती गायीला खाऊ घातल्यास सर्व ग्रह दोष दूर होतात. भगवान श्रीकृष्णांना गायींची खूप आवड होती. गाईच्या दुधापासून बनवलेले तूप आणि लोणी ते खात असे. त्यामुळे जन्माष्टमीच्या दिवशी गाई-वासराची मूर्ती मंदिरात किंवा घराच्या पूर्व कोपऱ्यात ठेवल्यास सुख-समृद्धी प्राप्त होते.

झोपाळा
श्रीकृष्णाचे लड्डू गोपाल रूप नेहमी झोपाळ्यात बसवले जाते, त्यामुळे लड्डू गोपालला झोपाळा खूप आवडतो. जन्माष्टमीच्या दिवशी झोपाळा विकत घेऊन त्यात लड्डू गोपालची मूर्ती बसवा. घरात सुख-शांती नांदेल.

वैजयंती माळा
वैजयंती माळेत देवी लक्ष्मीचा वास असतो. वैजयंती माळ विकत घेऊन जन्माष्टमीच्या दिवशी घरी आणल्यास देवी लक्ष्मी प्रसन्न होईल. घरातील आर्थिक समस्या दूर होतील.