गुजरातमध्ये चांदीपुरा व्हायरसची प्रकरणे अद्याप थांबलेली नाहीत. दरम्यान, या राज्यात एक अभ्यास करण्यात आला आहे. ज्यामध्ये भविष्यात कोणत्या आजारांचा धोका असू शकतो, हे समोर आले आहे. सेंटर फॉर वन हेल्थ एज्युकेशन, रिसर्च अँड डेव्हलपमेंटने बोलावलेल्या बैठकीत हे मूल्यांकन करण्यात आले आहे. एका अभ्यासाद्वारे (OHRAD) प्राणी आणि जीवाणूंमुळे कोणत्या प्रकारचे रोग होऊ शकतात, हे शोधण्याचा प्रयत्न करण्यात आला आहे. गुजरातमध्ये माल्टा फिव्हर आणि रेबीजचा संशयास्पद धोका असल्याचे समोर आले आहे. मात्र, सध्या राज्यात माल्टा फिव्हरचा एकही रुग्ण आढळलेला नाही.
चांदीपुरा व्हायरसनंतर आता माल्टा फिव्हरचा धोका, काय आहे हा आजार आणि काय आहेत लक्षणे?
माल्टा फिव्हर म्हणजे काय, तो का होतो आणि कसा पसरतो? याबद्दल जाणून घ्या. तज्ज्ञांचे म्हणणे आहे की, माल्टा फिव्हरला कोब्रुसेलोसिस म्हणतात, हा आजार ब्रुसेला बॅक्टेरियामुळे होतो. ब्रुसेलोसिस संक्रमित जनावरांचे दूध पिणे, पाश्चर न केलेले दुग्धजन्य पदार्थ खाणे आणि संक्रमित जनावरांच्या संपर्कात येणे यामुळे होतो.
कोणाला आहे धोका?
- जे पशुवैद्य आहेत किंवा प्राण्यांसोबत काम करतात
- दुग्धशाळेत काम करणारे लोक
- कत्तलखान्यातील कामगार
- जे लोक कच्चे मांस किंवा पाश्चर न केलेले दुधाचे पदार्थ खातात
ब्रुसेलोसिस मानवांमध्ये कसा पसरतो?
ब्रुसेला बॅक्टेरिया तुमच्या तोंड, नाक आणि त्वचेद्वारे मानवी शरीरात प्रवेश करतात. जेव्हा एखादी व्यक्ती या प्राण्यांच्या शरीरातील कोणत्याही द्रवपदार्थाला स्पर्श करते, तेव्हा ब्रुसेला त्वचेच्या क्रॅकद्वारे किंवा नाक आणि तोंडातून तुमच्या शरीरात प्रवेश करू शकते. हा जीवाणू लिम्फ नोड्सपर्यंत पोहोचतो, जिथे तो हळूहळू वाढतो. तेथून ते तुमच्या हृदय, यकृत आणि हाडांमध्ये जाऊ शकते.
हा जीवाणू शरीराच्या कोणत्याही भागावर हल्ला करू शकतो. जर गाय किंवा म्हशीला या विषाणूची लागण झाली असेल आणि माणूस त्याच्या जवळ आला, तर ब्रुसेला जीवाणू माणसात पसरतो. गाई-म्हशींशिवाय शेळ्या, डुक्कर, हरीण, मूस, मेंढ्या यांतूनही या जीवाणूचा प्रसार होऊ शकतो.
काय आहेत लक्षणे ?
- ताप
- घाम येणे
- सांधेदुखी
- वजन कमी होणे
- डोकेदुखी
- पोटदुखी
- भूक न लागणे किंवा पोट खराब होणे
माल्टा फिव्हर कसा टाळायचा
- पाश्चराइज्ड दूध पिऊ नका
- प्राण्यांच्या जवळ जाण्यापूर्वी मास्क आणि हातमोजे घाला
- मांस सुरक्षित तापमानात शिजवा आणि नेहमी तुमचे हात आणि अन्न तयार करण्यासाठी वापरलेली भांडी चांगली धुवा.
- जर एखाद्या प्राण्याला संसर्ग झाला असेल, तर त्याच्या जवळ जाऊ नका
कसा केला जातो ब्रुसेलोसिसचा उपचार?
यासाठी डॉक्टर तुम्हाला किमान दोन प्रकारची अँटीबायोटिक औषधे देतील. तुम्हाला ते किमान सहा ते आठ आठवडे घ्यावे लागतील. लक्षणे अधिक गंभीर असल्यास लक्षणांच्या आधारे उपचार केले जातील.
Disclaimer: आरोग्य विषयक लेखात दिली गेलेली माहिती प्राथमिक स्वरुपाची आहे. हि माहिती वैद्यकीय सल्ल्याचा पर्याय होऊ शकत नाही या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी. या माहितीची जवाबदारी माझा पेपर घेत नाही