टीम इंडियात ‘सुनील नरेन’ची एन्ट्री, गौतम गंभीरने घेतला मोठा निर्णय

पल्लेकेलेकडून मिळालेल्या वृत्तानुसार, गौतम गंभीरने वॉशिंग्टन सुंदरला हार्ड हिटिंगची भूमिका दिली आहे. या खेळाडूला सलग दोन सराव सत्रांमध्ये 3 व्या क्रमांकावर फलंदाजीसाठी तयार करण्यात आले. सुंदरने फलंदाजी करताना लांब पल्ल्याच्या फटकेबाजीचा सराव केला. म्हणजे त्याला फक्त षटकार आणि चौकार मारायला सांगितले होते. सुनील नरेन सारखीच फलंदाजी करतो. मनोरंजक गोष्ट म्हणजे वॉशिंग्टन सुंदर हा देखील डावखुरा फलंदाज आहे आणि नरेनप्रमाणेच तो एक इकोनॉमी गोलंदाजही आहे.

सुनील नरेनच्या भूमिकेत वॉशिंग्टन सुंदरला ठेवण्याचा गौतम गंभीरचा प्लॅन जोरदार आहे. खरं तर सुंदर फलंदाजी करतो. आंतरराष्ट्रीय सामन्यांमध्येही त्याने हे सिद्ध केले आहे. या 24 वर्षीय खेळाडूने टी-20, एकदिवसीय आणि कसोटी या तिन्ही फॉरमॅटमध्ये अर्धशतकेही झळकावली आहेत. गेल्या वर्षी रांचीमध्ये न्यूझीलंडविरुद्धच्या टी-20 सामन्यात सुंदरने अवघ्या 26 चेंडूत 50 धावा करून आपली क्षमता सिद्ध केली होती. तो सामना टीम इंडिया हरला असला, तरी पण हा खेळाडू दमदार फटकेबाजी करू शकतो यात शंका नाही. आता गंभीरचा हा प्रयोग यशस्वी होतो की नाही हे पाहायचे आहे.