जरा कल्पना करा की तुम्ही कार घेऊन घरातून निघालो आणि थोड्या अंतरावर गाडी चालवल्यानंतर अचानक तुमच्या लक्षात आले की कारचे काही इलेक्ट्रिकल पार्ट काम करत नाहीत, तेव्हा टेन्शन येणे स्वाभाविक आहे. पण टेन्शन घेतल्याने काही होणार नाही, गाडी जेव्हा मेकॅनिकपर्यंत पोहोचते, तेव्हा विजेचे पार्ट काम न करण्यामागे उंदीरच कारणीभूत असल्याचे दिसून येते.
Rats in Car : तुमची कार बनू शकते उंदरांचे घर, नुकसान टाळण्यासाठी करा या गोष्टी
धक्का बसला ना, उंदीर हे कारण कसे असू शकते? बऱ्याच वेळा उंदीर आपल्या कारला आपले घर बनवतात आणि नंतर कारमधील वायरिंग कुरतडतात. वायरिंग सिस्टीम खंडित झाल्यामुळे अनेक वाहनांचे विद्युत भाग काम करणे बंद करतात, त्यामुळे वाहन दुरुस्तीसाठी मोठा खर्च होतो.
आता अशा परिस्थितीत प्रश्न पडतो की उंदरांपासून कारचे संरक्षण कसे करायचे? उंदरांच्या या उपद्रवापासून तुमची कार वाचवण्यासाठी तुम्हाला काही महत्त्वाची पावले उचलावी लागतील.
या चार गोष्टींची काळजी घ्या
- पहिली महत्वाची गोष्ट म्हणजे गाडीची केबिन नेहमी स्वच्छ ठेवा, जर गाडीच्या आत कुठेही घाण असेल तर उंदीर तुमच्या कारला आपले घर बनवू शकतात.
- दुसरी महत्त्वाची गोष्ट म्हणजे गाडी झुडपे किंवा डस्टबीन इत्यादींजवळ पार्क करू नका, असे केल्यास उंदीर तुमच्या गाडीत घुसू शकतात.
- तिसरी महत्त्वाची गोष्ट, बाजारात असे काही स्प्रे उपलब्ध आहेत, जे तुमच्या कारपासून उंदरांना दूर ठेवण्याचे काम करतात. उंदीर गाडीच्या खाली, बोनट किंवा फ्रंट ग्रिल इत्यादींमधून तुमच्या कारमध्ये प्रवेश करू शकतात. कारचे बोनेट, बूट स्पेस आणि जिथे उंदीर तुमच्या कारमध्ये प्रवेश करू शकतात, असे तुम्हाला वाटते तेथे फवारणी करा.
- चौथी महत्वाची गोष्ट, रॅट रिपेलेंट मशीन देखील बाजारात उपलब्ध आहे, हे मशीन अल्ट्रासोनिक आवाज उत्सर्जित करते, जे उंदीर सहन करू शकत नाहीत आणि आपल्या कारपासून दूर राहतात.