ऑस्ट्रेलियन गोलंदाज पॅट कमिन्सने टी-20 विश्वचषक 2024 मध्ये हॅट्ट्रिक घेतली आहे. पॅट कमिन्सने बांगलादेशविरुद्धच्या सामन्यात शेवटच्या दोन षटकांत ही हॅट्ट्रिक पूर्ण केली. महमुदुल्लाह, मेहदी हसन आणि तौहीद हृदय यांना बाद करून पॅट कमिन्सने टी-20 विश्वचषकातील पहिली हॅटट्रिक घेतली. कमिन्सने बांगलादेशच्या डावातील 18व्या षटकातील शेवटच्या दोन चेंडूंवर महमुदुल्लाह आणि मेहदी हसनचे बळी घेतले. तर तौहीद हृदयाला 20 व्या षटकाच्या पहिल्या चेंडूवर पायचीत करून हॅट्ट्रिक पूर्ण केली. टी-20 विश्वचषकाच्या इतिहासातील ही सातवी हॅट्ट्रिक ठरली. त्याचवेळी, या यशासह पॅट कमिन्स टी-20 विश्वचषकात हॅट्ट्रिक घेणारा दुसरा ऑस्ट्रेलियन गोलंदाज ठरला.

पॅट कमिन्सने बांगलादेशविरुद्ध हॅटट्रिक पूर्ण करण्यासाठी तीन प्रकारचे चेंडू शस्त्र म्हणून वापरले. त्याने महमुदुल्लाला शॉर्ट बॉलवर वाट धरायला लावली. यानंतर मेहदी हसनला लेन्थ बॉल टाकत झम्पाकडून झेलबाद केले. तर संथ चेंडूवर त्याने तौहीद हृदयाची विकेट घेतली.

बांगलादेशविरुद्ध ऑस्ट्रेलियन गोलंदाज कमिन्सने 4 षटकांत 29 धावांत 3 बळी घेतले आणि ही हॅटट्रिक ठरली. T20 विश्वचषकाच्या खेळपट्टीवर हॅट्ट्रिक घेणारा पॅट कमिन्स हा ब्रेट लीनंतरचा दुसरा ऑस्ट्रेलियन गोलंदाज आहे. 2007 मध्ये झालेल्या पहिल्या T20 विश्वचषकात ब्रेट लीने हॅटट्रिक घेतली होती. त्याच वर्षी भारताने टी-20 विश्वचषक जिंकला होता. आश्चर्याची गोष्ट म्हणजे ब्रेट लीनेही त्याची हॅटट्रिक बांगलादेशविरुद्धच घेतली.

आता, T20 विश्वचषक 2024 मध्ये बांगलादेशविरुद्धच्या दुसऱ्या ऑस्ट्रेलियन गोलंदाजाच्या हॅट्ट्रिकमुळे, यावेळीही टीम इंडियाला विजेतेपद मिळण्याचा योगायोग होण्याची शक्यता वर्तवली जात आहे.

T20 विश्वचषकाच्या इतिहासात हॅट्ट्रिक घेणारा कमिन्स हा जगातील 7वा गोलंदाज आहे. हा पराक्रम करणारा ब्रेट ली पहिला होता. त्यानंतर 2021 च्या टी-20 विश्वचषकात आयर्लंडचा कर्टिस कॅम्फर, 2021 च्या T20 विश्वचषकातच श्रीलंकेचा वानिंदू हसरंगा आणि दक्षिण आफ्रिकेचा कागिसो रबाडा यांनीही हॅटट्रिक केली होती. यूएईचा कार्तिक मय्यपन आणि आयर्लंडचा जोश लिटल यांनी 2022 टी-20 विश्वचषकात हॅटट्रिक घेतली.