सध्याच्या काळात श्रीमंत व्हायचे कोणाला नाही? अनेकदा लोकांना वाटते की कुठूनतरी त्यांच्या खात्यात फक्त 2-4 कोटी रुपये आले, तर त्यांचे आयुष्य सुधरुन जाईस. मग ते निवांत झोपतील आणि त्या पैशात आरामात आयुष्य जगतील. मात्र, प्रत्यक्षात असे घडत नाही, कारण लाखो-करोडो रुपये अचानक कोणाच्याही खात्यात येत नाहीत. मात्र, अनेकवेळा असेही घडते की, बँकेच्या लोकांच्या चुकीमुळे लोक रातोरात करोडपती होतात, पण नंतर बँकेच्या लोकांना त्यांची चूक लक्षात आल्यावर ते पैसे माघारीही घेतात. अशाच एका प्रकरणाची सध्या खूप चर्चा होत असली तरी या प्रकरणात आता एक ट्विस्ट आहे.
खरं तर, दक्षिण आफ्रिकेतील वॉल्टर सिसुलू विद्यापीठात शिकत असलेल्या सिबोनगिले मणी नावाच्या मुलीने जेव्हा तिचे बँक खाते तपासले, तेव्हा तिच्या खात्यात 8 लाख 50 हजार पौंड म्हणजेच सुमारे 9 कोटी रुपये पडून असल्याचे आढळले. जेव्हा तिने हे पाहिले तेव्हा तिचा तिच्या डोळ्यांवर विश्वास बसत नव्हता, कारण तिच्या माहितीनुसार, तिला अन्नापासून ते जीवनावश्यक वस्तूंपर्यंत सर्व गोष्टींसाठी मदत करण्यासाठी महिन्याला सुमारे £ 85 लाभ मिळणार होते, ते तिच्या खात्यात रुपये आले.
लाडबायबलच्या रिपोर्टनुसार, सरकारी चुकीमुळे मुलीच्या खात्यात करोडो रुपये आले होते आणि हे पैसे तिचे नाहीत, हे तिला माहीत होते, तरीही तिने ते पैसे खर्च करण्याचा निर्णय घेतला. हा पैसा ‘देवाची देणगी’ आहे, असे तिला वाटले आणि म्हणून तिने तो डिझायनर कपडे, लेटेस्ट आयफोन आणि दारूच्या महागड्या बाटल्यांवर खर्च केला. तिने सुमारे 50 हजार पौंड खर्च केले होते, परंतु शेवटी ती पकडली गेली. पोलिसांनी तिला अटक करून त्याच्यावर चोरी आणि फसवणुकीचा गुन्हा दाखल केला. या आधारावर तिला पाच वर्षांची शिक्षा झाली.
रिपोर्ट्सनुसार, 2017 मध्ये जेव्हा तिला अटक करण्यात आली, तेव्हा केस सुरू झाली, 2022 मध्ये तिला शिक्षा ठोठावण्यात येणार होती, परंतु 2023 मध्ये तिची शिक्षा रद्द करण्यात आली, कारण तिने दावा केला होता की तिला पैसे देवाने दिले होते आणि म्हणून ती सतत खर्च करत होती. या प्रकरणी मुलीच्या वकिलाने सांगितले की, तिला तुरुंगात जावे लागणार नाही याचा तिला खूप दिलासा आणि खूप आनंद वाटत आहे आणि तिला हे सर्व मागे सोडून पुन्हा नव्याने सुरुवात करायची आहे. तिचे विस्कटलेले आयुष्य ती पुन्हा उभी करत आहे.