सूर्यकुमार यादवच्या शतकात मोठी ‘आग’ होती. कारण आता मुंबई इंडियन्सबद्दल कोण बोलत आहे? हा संघ आता IPL 2024 च्या प्लेऑफच्या शर्यतीतही नाही. मुंबईने सर्व सामने जिंकले, तरी आयपीएलच्या 17 व्या मोसमात अव्वल चारमध्ये पोहोचणे अशक्य आहे. पण, असे सगळे असूनही सूर्यकुमार यादवचे शतक दिलासा देणारे दिसते, कारण टी-20 विश्वचषक पुढे आहे. सूर्याच्या शतकात ‘आग’ होती, कारण आयपीएलच्या खेळपट्टीवर SRH विरुद्ध शतक झळकावून या नंबर वन टी-20 फलंदाजाने पॅट कमिन्सला चोख प्रत्युत्तर दिले आहे आणि बाबर आझमचा आत्मविश्वासही डळमळीत केला आहे.
आता तुम्ही विचाराल की सूर्यकुमार यादवने सनरायझर्सविरुद्ध शतक झळकावून पॅट कमिन्सला चोख प्रत्युत्तर कसे दिले? त्याने बाबर आझमचा आत्मविश्वास कसा डळमळीत केला? तर याचे उत्तर तुम्हाला तेव्हा मिळेल, जेव्हा तुम्ही ऑस्ट्रेलिया आणि पाकिस्तानच्या कर्णधारांचे T20 विश्वचषक 2024 बाबतचे विधान ऐकाल आणि त्यानंतर लगेचच तुम्हाला सूर्यकुमार यादवने झळकावलेल्या शतकाचे महत्व कळेल.
सर्वप्रथम ऑस्ट्रेलियन कर्णधार पॅट कमिन्सबद्दल बोलूया. ऑस्ट्रेलियन कर्णधाराला थेट प्रश्न विचारण्यात आला की त्याच्या मते 2024 च्या टी-20 विश्वचषकातील अव्वल चार संघ कोणते असतील? आता सरळ प्रश्नाचे सरळ उत्तर अपेक्षित होते. पण, कमिन्स म्हणाला की, ऑस्ट्रेलिया तेथे असेल, बाकीचे तीन संघ कोणीही असले, तरी काही फरक पडत नाही.
आता सूर्यकुमार यादवचे शतक पाहिल्यानंतर कमिन्सचा विश्वास असो वा नसो, टीम इंडिया पहिल्या चारमध्ये राहिल्यास त्यांच्यावर फरक पडेल. हैदराबादचा कर्णधार म्हणून कमिन्स म्हणाला की, सूर्यकुमार चांगला खेळला. त्यामुळे 2024 च्या टी-20 विश्वचषकातही अशाच खेळामुळे त्याचे नियोजन अपयशी ठरू शकते. सूर्यकुमार यादवची ही ताकद जाणून घेतल्यानंतर तो आता टी-20 विश्वचषकात टीम इंडियाकडे दुर्लक्ष करणार नाही.
टी-20 वर्ल्ड कप 2024 बाबत पाकिस्तानचा कर्णधार बाबर आझम असे म्हणताना दिसला की, आधी काय झाले, ते विसरून जा. यावेळी आम्ही, पाकिस्तानी संघ ट्रॉफी घरी आणेल आणि त्यांना याची 200% खात्री आहे. बाबर आझम हे सांगत होता, तेव्हा तो टीम इंडियाविरुद्ध पाकिस्तानी संघाच्या रणनीतीबद्दलही बोलत होता.
योगायोगाने सूर्यकुमार यादवचे आयपीएल 2024 मधील शतकही त्याच दिवशी झाले आणि बाबरच्या वक्तव्यानंतरच. सूर्याने टी-20 विश्वचषकापूर्वी एकही शतक झळकावलेले नव्हते, मात्र जुन्या शैलीत परतण्याचे पूर्ण संकेत दिले आहेत. यानंतर आता टीम इंडियामध्ये आनंदाची लाट पसरली आहे. पण, 9 जूनला त्याला कसे थांबवता येईलल, या विचाराने पाकिस्तान आणि त्याचा कर्णधार बाबर आझम यांचा आत्मविश्वास डळमळीत झाला असेल.