काही चित्रपट असे बनले असतात, ज्यांनी सीमा ओलांडून देशातच नव्हे, तर जगभर कमाई करतात आणि त्या चित्रपटातील प्रत्येक पात्र जगभर लोकप्रियही होतात. असाच एक चित्रपट म्हणजे टायटॅनिक. टायटॅनिक या हॉलिवूड चित्रपटाचे नाव कोणी ऐकले नसेल? या चित्रपटात लिओनार्डो डी कॅप्रियो आणि केट विन्सलेट महत्त्वाच्या भूमिकेत होते. आता या चित्रपटातील एका पात्राचे निधन झाले आहे. या चित्रपटात हॉलिवूड अभिनेता बर्नार्ड हिलने कॅप्टन एडवर्ड जॉन स्मिथची भूमिका साकारली होती. या भूमिकेतून त्यांना लोकप्रियता मिळाली. अभिनेता 79 वर्षांचा होता आणि चित्रपटसृष्टीत त्याचा एक वगेळाच दर्जा होता.
बर्नार्ड यांच्या निधनाची दुःखद बातमी स्कॉटिश लोक संगीतकार बार्बरा डिक्सन यांनी दिली. त्यांनी X वर लिहिले- बर्नार्ड हिल आता या जगात नाहीत, हे सांगताना मला खूप दुःख होत आहे. आम्ही जॉन पॉलच्या जॉर्ज रिंगो आणि विली रसेल शोमध्ये एकत्र काम केले होते. तो एक उत्कृष्ट अभिनेता होता. माझ्यासाठी त्याच्यासोबत काम करणे म्हणजे एक विशेषाधिकार होता. रेस्ट इन पीस बेनी (बर्नार्ड हिल).
हा अभिनेता अनेक दशकांपासून फिल्म इंडस्ट्रीचा एक भाग होता आणि त्याला खूप पसंत केले जायचे. त्यांच्या निधनाने चाहतेही दु:खी झाले असून, कमेंट करत आहेत. एका व्यक्तीने लिहिले – प्रत्येकजण त्याने बॉईज फ्रॉम द ब्लॅक स्टफमध्ये साकारलेल्या भूमिकेचा संदर्भ देत आहे, परंतु त्याने वुल्फ हॉल मालिकेतही खूप चांगला अभिनय केला आहे. दुसऱ्या व्यक्तीने लिहिले- गुडबाय बर्नार्ड हिल. तुमच्या अनेक अप्रतिम कामगिरीसाठी तुम्ही लक्षात राहाल. तुम्ही ज्या पद्धतीने लोकांना कलेकडे प्रेरित केले आहे, त्याचे महत्त्व नाकारता येणार नाही.
बर्नार्ड हिल यांनी त्यांच्या कारकिर्दीत अनेक चित्रपट आणि मालिकांमध्ये काम केले. या अभिनेत्याने 1976 मध्ये ट्रायल बाय कॉम्बॅट या चित्रपटाद्वारे आपल्या करिअरची सुरुवात केली. यानंतर त्याने गांधी, द बाउंटी, द चेन, माउंटन्स ऑफ द मून, टायटॅनिक, द स्कॉर्पियन किंग, लॉर्ड ऑफ द रिंग्स आणि नॉर्थ वर्सेस साउथ यांसारख्या चित्रपटांमध्ये काम केले. तो बॉईज फ्रॉम द ब्लॅक स्टफ, सनराइज आणि वुल्फ हॉल सारख्या मालिकांसाठी देखील ओळखला जातो.