या दिवशी जाहीर होणार CBSE 10वी, 12वीचे निकाल, बोर्डाने दिली माहिती

अधिकृत सूचनेनुसार, ‘CBSE बोर्ड 10वी आणि 12वीचे निकाल 20 मे 2024 नंतर जाहीर होण्याची शक्यता आहे.’ यावर्षी CBSE 10वीची परीक्षा 13 मार्च रोजी संपली. तर, CBSE 12वीचा शेवटचा पेपर 2 एप्रिल 2024 रोजी झाला होता.

गेल्या वर्षीच्या तुलनेत यावेळी सीबीएसई बोर्डाचे निकाल उशिराने लागत आहेत. सन 2023 मध्ये, CBSE 10वी बोर्डाची परीक्षा 15 फेब्रुवारी ते 21 मार्च 2023 दरम्यान घेण्यात आली होती. तर 12वी बोर्डाची परीक्षा 15 फेब्रुवारी ते 05 एप्रिल दरम्यान झाली होती. दोन्ही वर्गांचे निकाल त्याच वर्षी 12 मे रोजी जाहीर झाले. यावर्षी सीबीएसई 10वीची परीक्षा 13 मार्च रोजी संपली. तर 12वीचा शेवटचा पेपर 2 एप्रिल 2024 रोजी झाला होता. दोघांचे निकाल 20 मे नंतर लागण्याची शक्यता आहे. निकाल जाहीर झाल्यानंतर, विद्यार्थी cbse.gov.in आणि cbseresults.nic.in या अधिकृत वेबसाइटवर त्यांचे प्रगती पुस्तक तपासू शकतात.

CBSE इयत्ता 10वी आणि 12वी बोर्ड परीक्षा उत्तीर्ण होण्यासाठी विद्यार्थ्यांना प्रत्येक विषयात किमान 33 टक्के गुण मिळणे आवश्यक आहे. गेल्या वेळी, CBSE 10वी बोर्डाच्या परीक्षेसाठी एकूण 21,84,117 विद्यार्थ्यांनी नोंदणी केली होती, त्यापैकी 21,65,805 विद्यार्थ्यांनी परीक्षेला बसले होते. 20,16,779 विद्यार्थी उत्तीर्ण झाले होते, तर एकूण निकाल 93.12 टक्के लागला होता. सीबीएसई 10वी आणि 12वी मध्ये एक किंवा दोन विषयात नापास झालेल्या विद्यार्थ्यांना कंपार्टमेंट परीक्षेत बसण्याची संधी देते.

असे सांगितले जात आहे की यावर्षी सीबीएसई बोर्ड 10वी आणि 12वी टॉपर्सची यादी जाहीर करणार नाही. गेल्या वर्षी म्हणजेच 2023 मध्ये टॉपर्स यादीऐवजी प्रदेशनिहाय यादी जाहीर करण्यात आली होती. अशा स्थितीत यंदाही बोर्ड टॉपर्सची यादी जाहीर करणार नाही, अशी अपेक्षा आहे.