महान विद्वान आणि अर्थशास्त्रज्ञ आचार्य चाणक्य यांनी ‘चाणक्य नीति’ नावाचा धोरणात्मक ग्रंथ रचला. चाणक्य नीति तुम्हाला जीवनात काहीही साध्य करण्यास मदत करते. जर तुम्ही चाणक्य नीती बरोबर पाळली, तर तुम्हाला यशस्वी होण्यापासून कोणीही रोखू शकत नाही. तसेच, तुम्ही कधीही कोणत्याही घोटाळ्याला बळी पडणार नाही आणि जीवनात नेहमी यश मिळवाल. आचार्य चाणक्य यांनी त्यांच्या निती शास्त्रामध्ये अशा अनेक गोष्टी सांगितल्या आहेत, ज्या मानवाला योग्य मार्ग दाखवतात. चाणक्य नीतीमध्ये म्हटले आहे की, संकटाच्या वेळी माणसाने 5 गोष्टी नेहमी लक्षात ठेवाव्यात…
खबरदारी
चाणक्य नीतीनुसार, संकटाच्या वेळी एखाद्या व्यक्तीने सावधगिरी म्हणजेच खबरदारी बाळगली पाहिजे, कारण संकटाच्या वेळी व्यक्तीकडे मर्यादित संधी असतात आणि आव्हाने जास्त असतात. अशा परिस्थितीत एक छोटीशी चूक खूप मोठे नुकसान करू शकते, त्यामुळे सावधगिरी बाळगणे अत्यंत आवश्यक आहे.
रणनीती
आचार्य चाणक्य आपल्या धोरणात म्हणतात की, माणसाला संकटातून बाहेर पडण्यासाठी ठोस रणनीती बनवण्याची गरज आहे. जेव्हा एखादी व्यक्ती संकटाचा सामना करण्यासाठी रणनीती बनवते, तेव्हा तो त्या रणनीतीनुसार टप्प्याटप्प्याने कार्य करतो आणि शेवटी विजय मिळवतो. आणीबाणीच्या परिस्थितीत ज्यांच्याकडे कोणतीही रणनीती नसते, त्यांना नुकसान सहन करावे लागते. त्यामुळे संकटकाळात काळजी घ्या.
कुटुंबातील सदस्यांच्या सुरक्षिततेकडे लक्ष द्या
संकटकाळी माणसाचे पहिले कर्तव्य असते की, आपल्या कुटुंबाप्रती असलेली जबाबदारी पार पाडणे. तसेच, कुटुंबातील सदस्यांच्या सुरक्षिततेसाठी विशेष काळजी घेतली पाहिजे. असे केल्याने तुम्ही कोणत्याही समस्येतून बाहेर पडू शकता आणि आयुष्यात येणाऱ्या समस्यांना धैर्याने सामोरे जाऊ शकता.
आरोग्याची काळजी घ्या
चाणक्य नीतीनुसार, व्यक्तीने सर्वप्रथम आपल्या आरोग्याची काळजी घेतली पाहिजे, कारण हीच त्याची सर्वात मोठी संपत्ती आहे. तुमचे आरोग्य चांगले राहिल्यास तुम्ही संकटातून बाहेर पडण्यासाठी सर्वतोपरी प्रयत्न करू शकाल. तुम्ही तुमच्या मानसिक आणि शारीरिक ताकदीने आव्हानांवर मात करू शकता आणि शत्रूंचा पराभव करू शकता.
पैशांची बचत करा
माणसाने जीवनातील संकटकाळासाठी पैसे वाचवले पाहिजेत. तुमची आर्थिक स्थिती चांगली असेल, तर तुम्ही सर्वात मोठ्या संकटातून बाहेर पडण्यात यशस्वी होऊ शकता, कारण संकटाच्या वेळी पैसा हाच तुमचा खरा मित्र असतो. संकटाच्या वेळी पैशाची कमतरता असलेल्या व्यक्तीला संकटावर मात करणे फार कठीण होऊन बसते. त्यामुळे लोकांनी नेहमी पैशांची बचत करावी.