अक्षय कुमारची गणना बॉलिवूडमधील बड्या सुपरस्टार्समध्ये केली जाते, मात्र गेल्या काही वर्षांपासून त्याचे स्टारडम त्याला साथ देत नाही. सन 2022 पासून आतापर्यंत त्यांचे 6 चित्रपट बॉक्स ऑफिसवर चांगलेच फ्लॉप झाले आहेत. नुकतेच प्रदर्शित झालेले ‘बडे मियाँ छोटे मियाँ’ तसेच ‘बच्चन पांडे’, ‘सम्राट पृथ्वीराज’, ‘सेल्फी’ आणि ‘मिशन रानीगंज’ हे चित्रपट आहेत.
जेव्हा ‘बडे मियाँ छोटे मियाँ’ रिलीज होणार होता, तेव्हा सोशल मीडियावर या चित्रपटाची जोरदार चर्चा रंगली होती. पण, रिलीजनंतर वातावरण थंडावले आणि परिस्थिती अशी घडली की चित्रपटाचे बजेटही वसूल करण्यात अपयश आले. या चित्रपटावर निर्मात्यांनी 350 कोटी रुपये खर्च केले होते. मात्र 16 दिवसांत जगभरातून केवळ 101.50 कोटी रुपये कमावता आले. अक्षयचा हा चित्रपट फ्लॉप झाला असला, तरी त्याचे चार मोठे चित्रपट या वर्षी प्रदर्शित होणार आहेत. त्या चित्रपटांकडून चांगल्या कमाईची अपेक्षा केली जाऊ शकते.
सरफिरा- या यादीतील पहिला चित्रपट ‘सरफिरा’ आहे, जो 12 जुलै रोजी प्रदर्शित होत आहे. हा तामिळ चित्रपट ‘सूरराई पोत्रू’चा हिंदी रिमेक आहे, ज्यामध्ये सुपरस्टार सूर्या दिसला होता. लोकांना चित्रपटाची कथा आवडली आणि सुर्याच्या कामाचे कौतुकही झाले.
खेल खेल में – पुढील चित्रपट ‘खेल खेल में’ आहे, जो एक मल्टीस्टारर चित्रपट आहे. मुदस्सर अजीज दिग्दर्शित या चित्रपटात अक्षय कुमारसोबत फरदीन खान, तापसी पन्नू, वाणी कपूर, प्रज्ञा जैस्वाल आणि एमी विर्क दिसणार आहेत. हा चित्रपट 6 सप्टेंबरला थिएटरमध्ये दाखल होणार आहे.
स्काय फोर्स- 2 ऑक्टोबरला अक्षयचा ‘स्काय फोर्स’ नावाचा चित्रपट प्रदर्शित होणार आहे. नुकतीच रिलीज डेट जाहीर करण्यात आली आहे. या चित्रपटात अक्षयसोबत सारा अली खान दिसणार असल्याची चर्चा आहे. मात्र, या प्रकरणाबाबत अद्याप कोणतीही अधिकृत माहिती मिळालेली नाही.
वेलकम टू द जंगल- यादीतील शेवटचा चित्रपट ‘वेलकम टू द जंगल’ आहे, जो अक्षयचा या वर्षातील सर्वात मोठा चित्रपट आहे. ‘वेलकम’ फ्रँचायझीचा हा तिसरा हप्ता आहे. हा चित्रपट 20 डिसेंबरला थिएटरमध्ये दाखल होणार आहे. या चित्रपटात अक्षयसोबत इतरही अनेक मोठे स्टार्स दिसणार आहेत. जसे- दिशा पटानी, जॅकलिन फर्नांडिस, संजय दत्त आणि रवीना टंडन. या यादीत ‘सिंघम अगेन’चा समावेश करण्यात आलेला नाही, कारण हा अजय देवगणचा चित्रपट आहे. यात अक्षय फक्त एका छोट्या भूमिकेत दिसणार आहे.