फिल्म इंडस्ट्रीमध्ये असे अनेक स्टार्स आहेत, ज्यांच्यासोबत सलमान खानची चांगली मैत्री आहे. त्यात संजय दत्तचेही नाव आहे. दोघांनी अनेक चित्रपटांमध्ये एकत्र काम केले आहे. दोघांमध्ये खूप मजबूत बॉन्डिंग आहे. दोघांनी ‘साजन’ आणि ‘चल मेरे भाई’ सारख्या आणखी काही चित्रपटात एकत्र काम केले आहे. असे म्हटले जाते की, ‘साजन’ हा चित्रपट होता, ज्याच्या सेटवर दोघांचे नाते अधिक घट्ट झाले आणि वर्षांनंतरही दोघेही एकमेकांच्या खूप जवळ आहेत.
एकेकाळी संजय सलमानला भाईजान म्हणायचा आणि सलमान त्याला संजू बाबा म्हणायचा. सलमान आजही त्याला याच नावाने हाक मारतो. एक काळ असा होता की त्यांच्या मैत्रीत दुरावा निर्माण झाला होता. एकदा संजय सुद्धा सलमानवर रागावला आणि त्याच्या घरी पोहोचला आणि रागात जोरजोरात ओरडू लागला आणि सलमानला बाहेर बोलावू लागला.
रिपोर्टनुसार, जेव्हा सलमानचे करिअर उंचीवर पोहोचू लागले, तेव्हा त्याच्या वागण्यात थोडा बदल झाला. असे म्हटले जाते की, त्याच्या जवळच्या लोकांना सलमान बदलला आहे असे वाटू लागले होते. संजयलाही तसेच वाटत होते. याच गोष्टीमुळे तो संतापल्याचे बोलले जाते.
तो सलमानच्या घरी पोहोचला आणि तो जोरजोरात ओरडू लागला, तेव्हा सलमान बाहेर आला. मात्र, त्याला राग आल्याने सलमानने त्याला शांत करण्याचा प्रयत्न सुरू केला. यानंतर दोघांमध्ये बराच काळ तेढ निर्माण झाल्याचे सांगण्यात येत आहे. मात्र, नंतर दोघेही एकमेकांचे चांगले मित्र बनले आणि मैत्रीचे हे नाते आजही कायम आहे. मात्र, दोघांच्या वर्कफ्रंटबद्दल बोलायचे झाले, तर वर्षाच्या शेवटी संजय अक्षय कुमार आणि अनिल कपूरसोबत ‘वेलकम टू द जंगल’मध्ये दिसणार आहे. पुढच्या वर्षी ईदला सलमान दिग्दर्शक एआर मुरुगदास यांच्या ‘सिकंदर’ चित्रपटात दिसणार आहे.