प्रभासचा ‘कल्की’, अल्लू अर्जुनचा ‘पुष्पा 2’, ज्युनियर एनटीआरचा ‘देवरा’ आणि राम चरणचा ‘गेम चेंजर’ हे चारही दक्षिणेकडील चित्रपट यावर्षी प्रदर्शित होणार आहेत. हे चारही मोठे चित्रपट आहेत. निर्मात्यांनी या सर्वांवर भरपूर पैसे गुंतवले आहेत. या चित्रपटांमध्ये मुख्य कलाकारांसोबतच इतरही अनेक बडे स्टार्स कास्ट करण्यात आले आहेत. आता बॉलिवूड अभिनेत्री रवीना टंडनचा पती अनिल थडानी देखील या चार चित्रपटांसाठी महत्त्वाच्या जबाबदाऱ्या पार पाडणार आहे. तोही या चित्रपटाशी जोडला गेला आहे.
चित्रपट समीक्षक तरण आदर्श यांच्या मते, अनिल थडानी हे चित्रपट उत्तर बाजारपेठेत म्हणजेच हिंदी पट्ट्यात वितरित करणार आहेत. हे सर्व पॅन इंडिया चित्रपट आहेत. वितरणाचे काम अनिल यांची कंपनी ए.ए. फिल्म्स बघणार आहे. तथापि, त्यांची कंपनी अशाप्रकारे पॅन इंडिया चित्रपटांचे वितरण करण्याची ही पहिलीच वेळ नाही, खरेतर याआधीही कंपनीने अनेक मोठ्या चित्रपटांच्या वितरणाचे काम केले आहे.
अनिल थडानी यांनी ‘बाहुबली’, ‘बाहुबली 2’, ‘केजीएफ’, ‘केजीएफ 2’, ‘कंतारा’, ‘सालार’, ‘हनुमान’ यांसारखे ब्लॉकबस्टर चित्रपट वितरित केले होते. ‘पुष्पा’ची जबाबदारीही त्यांनी घेतली होती आणि आता ते ‘पुष्पा 2’चे वितरण करणार आहे.
चारही चित्रपटांच्या रिलीज डेटबद्दल बोलायचे झाले, तर ‘कल्की’ 9 मे रोजी रिलीज होणार आहे. या चित्रपटात प्रभाससोबत दीपिका पादुकोण, अमिताभ बच्चन, कमल हासन हे देखील दिसणार आहेत. अल्लू अर्जुन आणि रश्मिका मंदान्ना यांचा ‘पुष्पा 2’ 15 ऑगस्टला प्रेक्षकांच्या भेटीला येणार आहे. ज्युनियर एनटीआर, सैफ अली खान स्टारर ‘देवरा’ 10 ऑक्टोबरला रिलीज होणार आहे. ‘गेम चेंजर’ नोव्हेंबरमध्ये प्रदर्शित होणार आहे. मात्र, अद्याप तारीख जाहीर झालेली नाही. या चित्रपटात राम चरणसोबत कियारा अडवाणी दिसणार आहे.