त्यांना काही होणार नाही… सलमान खानच्या घरावर झालेल्या गोळीबार प्रकरणावर बोलला शिव ठाकरे

मुंबईतील ‘जश्न-ए-ईद मिलन’ कार्यक्रमात सहभागी होण्यासाठी रेड कार्पेटवर पोहोचलेला शिव ठाकरेने सलमान खानच्या इमारतीवर झालेल्या गोळीबाराबद्दल मीडियाशी बोलताना सांगितले की, “अनेक प्रार्थना त्यांच्यासोबत आहेत.” त्यांचे सर्व चाहते आणि प्रियजन त्यांच्यासाठी प्रार्थना करत आहेत आणि म्हणूनच मला पूर्ण विश्वास आहे की त्यांना काहीही होणार नाही. आशा आहे की ते सुरक्षित आहेत. या संपूर्ण हल्ल्याचे अपडेट्सही मला माध्यमांतून मिळत आहेत. देव त्यांच्या पाठीशी आहे आणि सध्या अनेक दिग्गज त्याच्या सुरक्षेच्या समर्थनार्थ पुढे आले आहेत. त्यांना काहीही होणार नाही.” या हल्ल्यानंतर शिवने सलमानशी चर्चा केली का? असे विचारले असता शिव म्हणाला की, सध्या त्याचे सलमानशी बोलणे झाले नाही.

केवळ शिव ठाकरेच नाही तर या कार्यक्रमात पोहोचलेली बिग बॉस 17 फेम रिंकू धवननेही सलमान खानच्या घरावर झालेल्या गोळीबाराबद्दल बोलली. ती म्हणाली, ही खूप भीतीदायक गोष्ट आहे आणि खूप दुःखी देखील. मला आशा आहे की सलमान सर आणि त्यांचे कुटुंब सुरक्षित आहे आणि जो कोणी असे करत असेल त्याने मागे हटावे. जगा व जगू द्या. तर शर्लिन चोप्राने सांगितले की, ती या घटनेबाबत पूर्णपणे अनभिज्ञ आहे. मात्र असे काही घडले असेल, तर ती अत्यंत लज्जास्पद आहे, अशा घटना घडू नयेत.