2016 मध्ये ‘किरिक पार्टी’ या चित्रपटातून आपल्या फिल्मी करिअरची सुरुवात करणाऱ्या रश्मिका मंदान्नाने फार कमी वेळात साऊथ सिनेसृष्टीपासून बॉलिवूडमध्ये स्वत:ची ओळख निर्माण केली आहे. तमिळ चित्रपट ‘सुलतान’, ‘चलो’, ‘चमक’ यांसारख्या अनेक चित्रपटांमध्ये तिने काम केले आहे. मात्र, 2021 मध्ये प्रदर्शित झालेल्या ‘पुष्पा’ने तिला पॅन इंडिया अभिनेत्री बनवले आणि ती सर्वांच्या नजरेत आली. गेल्या वर्षी डिसेंबरमध्ये प्रदर्शित झालेल्या रणबीर कपूरच्या ॲनिमल या सिनेमातूनही ती खूप चर्चेत आली होती.
एकीकडे रश्मिकाने तिच्या करिअरमध्ये अनेक मोठे चित्रपट केले आहेत, तर दुसरीकडे तिने अनेक मोठ्या चित्रपटांमध्ये काम करण्यास नकारही दिला आहे. संजय लीला भन्साळींसारख्या मोठ्या दिग्दर्शकाचा चित्रपटही तिने नाकारला आहे. 5 एप्रिलला म्हणजे आज रश्मिकाचा 29 वा वाढदिवस आहे. तिच्या वाढदिवसानिमित्त आम्ही तुम्हाला अशाच काही चित्रपटांबद्दल सांगत आहोत, ज्यात निर्माते तिला कास्ट करणार होते.
#Master: 2021 साली लोकेश कनराजच्या दिग्दर्शनाखाली ‘मास्टर’ नावाचा चित्रपट प्रदर्शित झाला होता, ज्यामध्ये मालविका मोहनन दिसली होती. वृत्तांवर विश्वास ठेवला तर सुरुवातीला लोकेशला या चित्रपटात रश्मिकाला कास्ट करायचे होते. रश्मिका त्या दिवसांत बिझी होती म्हणून तिने या चित्रपटाची ऑफर नाकारली.
#Jersey: 2022 मध्ये शाहिद कपूरने तेलगू चित्रपट ‘जर्सी’चा अधिकृत हिंदी रिमेक आणला. हा चित्रपट हिंदीतही ‘जर्सी’ नावाने प्रदर्शित झाला होता. मृणाल ठाकूर ही महिला आघाडीवर होती. रश्मिकालाही या चित्रपटाची ऑफर आली होती. मात्र आपण या चित्रपटासाठी योग्य नसल्याचे सांगत तिने नकार दिला.
#किरिक पार्टी: रश्मिकाने ज्या चित्रपटातून चित्रपटसृष्टीत पदार्पण केले त्याचा रिमेक कार्तिक घेऊन येणार आहे. रिपोर्टनुसार, तिला त्या चित्रपटासाठी अप्रोच करण्यात आले होते. पण तिला रिमेक करायचा नाही, असे सांगून तिने नकार दिला.
#गेम चेंजर: राम चरण ‘गेम चेंजर’ नावाचा चित्रपट घेऊन येत आहे, ज्यामध्ये कियारा अडवाणी त्याच्यासोबत दिसणार आहे. रिपोर्टनुसार, या चित्रपटासाठी आधी रश्मिकाला अप्रोच करण्यात आले होते, पण तिने नकार दिला होता. मात्र, तिने हे का केले याचे कारण समोर आले नाही.
#संजय लीला भन्साळीचा चित्रपट: रिपोर्टमध्ये असे म्हटले आहे की ‘गंगूबाई काठियावाडी’ बनवण्यापूर्वी संजय लीला भन्साळी यांच्या मनात एक प्रोजेक्ट होता, जो त्यांना रश्मिका मंदान्ना आणि रणदीप हुड्डासोबत बनवायचा होता. भन्साळी यांनी रश्मिकालाही संपर्क साधला होता, पण तिने नकार दिला होता, असे सांगितले जाते.