या पृथ्वीतलावर हजारो आणि लाखो प्रजातींचे प्राणी आढळतात, त्यातील अनेक प्रजाती तुम्हाला माहीत असतील, तर इतरही अनेक प्राणी असतील, ज्यांची नावे तुम्ही कधी पाहिली नाहीत किंवा ऐकलीही नसतील. मात्र, काहीवेळा असे काही प्राणी अचानक दिसतात, जे शास्त्रज्ञांनाही आश्चर्यचकित करतात. असाच एक विचित्र प्राणी सध्या जगभरात चर्चेचा विषय बनला आहे, ज्याने वैज्ञानिकांनाही विचार करायला भाग पाडले आहे. तुम्ही विंचू पाहिला असेल, पण आठ डोळे आणि आठ पाय असलेला विंचू कधी पाहिला आहे का?
खरं तर, संशोधकांच्या एका गटाने दावा केला आहे की त्यांना थायलंडच्या फेचबुरी प्रांतातील काएंग क्राचन नॅशनल पार्कमध्ये विंचूची एक नवीन प्रजाती सापडली आहे, ज्याला दोन नाही, तर आठ डोळे आणि आठ पाय आहेत. खडकाच्या खाली लपलेल्या तीन नर आणि एका मादी विंचूच्या नमुन्यांच्या आधारे या नवीन प्रजातीचे वर्णन करण्यात आले आहे. जरी त्यांचे डोळे आणि पाय जास्त असले, तरी ते सामान्य विंचूपेक्षा लहान आहे. विंचूची ही नवीन प्रजाती Euscorpiops या उपजिनसमध्ये ठेवण्यात आली आहे आणि थायलंडमधील राष्ट्रीय उद्यानाच्या नावावरून शास्त्रज्ञांनी त्याचे नाव Euscorpiops Krachan असे ठेवले आहे.
मीडिया रिपोर्ट्सनुसार, शास्त्रज्ञ Kaeng Krachan नॅशनल पार्कमध्ये वन्यजीव शोधत होते, त्याच दरम्यान त्यांना खडकाच्या खाली लपलेला एक विचित्र तपकिरी आणि केसाळ प्राणी दिसला. या विंचूंचा रंग तंतोतंत खडकाच्या रंगासारखाच होता, त्यामुळे पहिल्या दृष्टीक्षेपात खडक आणि विंचू यांच्यातील फरक ओळखणे कठीण होते, असा दावा संशोधकांनी केला आहे. त्या विंचूंला पाहिल्यानंतर सुरुवातीला शास्त्रज्ञांना वाटले की कोणीतरी प्राणी भक्ष्याच्या शोधात जात आहे, पण जेव्हा त्यांनी त्याच्या जवळ जाऊन काळजीपूर्वक पाहिले, तेव्हा त्यांना समजले की ही एक मादी विंचू आहे, जी आपल्या चार मुलांना तिच्या पाठीवरुन घेऊन जात होती.
संशोधकांनी सांगितले की विंचूची ही नवीन प्रजाती एक इंच लांब आहे आणि त्याच्या त्वचेवर केस देखील आहेत, परंतु त्यांच्यातील सर्वात आश्चर्यकारक वैशिष्ट्य म्हणजे त्यांना आठ डोळे आणि आठ पाय आहेत. यासंबंधीचा अहवाल नुकताच Zootaxa जर्नलमध्ये प्रकाशित झाला आहे.