मनोज मुंतशीर याने चित्रपटसृष्टीला ‘कौन तुझे’, ‘वजह तुम हो’, ‘देखते देखते’ सारखी अनेक उत्तम गाणी दिली आहेत. 2019 मध्ये रिलीज झालेल्या ‘केसरी’ चित्रपटातील ‘तेरी मिट्टी’ हे गाणेही त्याने लिहिले आहे. आज मनोजची गणना बॉलिवूडमधील प्रसिद्ध गीतकारांमध्ये केली जाते. पण तुम्हाला माहीत आहे का की त्याने इथपर्यंत पोहोचण्यासाठी खूप संघर्ष केला आहे.
मनोजचा 27 फेब्रुवारीला म्हणजे आज वाढदिवस आहे. त्याचा जन्म 1976 मध्ये उत्तर प्रदेशातील अमेठी जिल्ह्यातील गौरीगंज येथे झाला. शालेय जीवनापासूनच त्याने कविता लिहायला सुरुवात केली. एकदा त्याचा एक मित्र त्याला मुशायराला घेऊन गेला, तिथून त्याने लिहिलेल्या कविताही वाचायला सुरुवात केली. त्याचे सुरुवातीचे शिक्षण गौरीगंज आणि नंतर अमेठीच्या शाळेत झाले. त्यानंतर ते अलाहाबाद विद्यापीठात गेला, तेथून त्याने ग्रॅज्युएशन केले.
मनोज अलाहाबादमध्ये राहत असताना तो ऑल इंडिया रेडिओमध्येही काम करायचा. ही घटना 1997 मध्ये घडली होती. त्यावेळी त्याला 135 रुपये प्रति महिना पगार मिळत होता, असे या अहवालात म्हटले आहे. पदवीनंतर मनोज नोकरीच्या शोधात मुंबईला गेला. तिथे गेल्यानंतर त्याची भेट संगीतकार अनूप जलोटा यांच्याशी झाली. अनूप जलोटा यांनी त्याला भजन लिहिण्याचे काम दिले होते. मनोजने याआधी भजने लिहिली नव्हती, पण त्याला पैशांची गरज होती, म्हणून त्याने काम करण्यास होकार दिला. या कामासाठी त्याला 3000 हजार रुपये मिळाले.
2005 मध्ये त्याला मोठा ब्रेक मिळाला. त्याला अमिताभ बच्चन यांच्या टीव्ही रिॲलिटी शो ‘कौन बनेगा करोडपती’साठी लिहिण्याची संधी मिळाली. मग काय, मनोजच्या उदयाची कहाणी इथून सुरू झाली. केबीसी नंतर, मनोजने इंडियाज गॉट टॅलेंट, झलक दिखला जा आणि इंडियन आयडॉल ज्युनियरसाठी स्क्रिप्ट लिहिण्याचे काम केले.
काही वर्षे टीव्हीच्या दुनियेत काम केल्यानंतर मनोजने श्रेया घोषालसाठी ‘हमनशी’ या नावाने पहिली गझल लिहिली, जी सर्वत्र प्रसिद्ध झाली. मनोज पहिल्यांदा मुंबईत आला, तेव्हा त्याच्या खिशात फक्त 700 रुपये होते, असे सांगितले जाते. पण आज त्याच्याकडे पैशापासून प्रसिद्धीपर्यंत कशाचीही कमतरता नाही.