सलमान खान पंजाबच्या एका मुलीला फोन करतो. सलमानला तिला त्याच्या चित्रपटात कास्ट करायचे आहे. पण ती मुलगी सलमानचा नंबर ब्लॉक करते. पण तिने त्याला का ब्लॉक केले हा प्रश्न आहे. याबाबत मुलीने स्वतः ‘द कपिल शर्मा शो’मध्ये सांगितले होते. तिने सलमानचा नंबर तिच्या फोनमध्ये सेव्ह नसल्याचे सांगितले होते. कॉल आल्यावर तो अनोळखी नंबर समजुन ब्लॉक केला जातो. तेव्हा तिला कोणीतरी सांगितले की, सलमानला तिच्याशी बोलायचे आहे. त्यानंतर तो नंबर सलमानचा असल्याचे समोर आले. तिने तो नंबर अनब्लॉक केला. ती सलमानशी बोलते आणि मग तिचे नशीब बदलते.
ही गोष्ट आहे शहनाज गिलची, जी पूर्वी पंजाबी सिनेमात गायिका आणि मॉडेल म्हणून काम करायची. पण आता ती बॉलिवूडचा एक भाग आहे. ती 27 जानेवारीला तिचा 31 वा वाढदिवस साजरा करत आहे. शहनाज सलमानच्या लोकप्रिय टीव्ही रिॲलिटी शो बिग बॉसच्या 13व्या सीझनमध्ये दिसली होती. या शोमुळे तिची लोकप्रियता खूप वाढली. या शोमध्ये सलमानने तिला पंजाबची कतरिना कैफ म्हटले होते. आज ती चाहत्यांमध्ये याच नावाने ओळखली जाते.
बिग बॉसमधील सिद्धार्थ शुक्लासोबतची तिची केमिस्ट्री खूप आवडली होती. सलमाननेही त्यांच्या जोडीचे कौतुक केले होते. सिद्धार्थ शुक्लाने बिग बॉस 13 ची ट्रॉफी जिंकली होती. शहनाज जरी ट्रॉफी जिंकू शकली नसली, तरी तिला घराघरात ओळख मिळाली. या शोनंतर ती सलमानच्या नजरेत आली आणि त्यानंतर सलमानने तिला आपल्या चित्रपटात काम करण्याची संधी दिली.
शहनाजने सलमानशी फोनवर चर्चा केली, तेव्हा सलमानने तिला ‘किसी का भाई किसी की जान’ या चित्रपटात काम करण्याची ऑफर दिली होती. या चित्रपटामध्ये ती अभिनेता राघव जुयालसोबत दिसली होती. कमी शब्दात सांगायचे झाले, तर हा शहनाजचा डेब्यू चित्रपट होता, यातून ती स्टार झाली. या चित्रपटाने जगभरात 182.44 कोटींची कमाई केली होती. गेल्या वर्षी तिचा ‘थँक्स फॉर कमिंग’ नावाचा एक चित्रपट नेटफ्लिक्सवर प्रदर्शित झाला होता. आता शहनाज तिचा ‘देसी वाइब्स विथ शहनाज गिल’ नावाचा टॉक शो देखील चालवते.