भारतीय संघ इंग्लंडविरुद्धच्या कसोटी मालिकेसाठी सज्ज झाला आहे. पहिल्या दोन सामन्यांसाठी संघही जाहीर करण्यात आला असून सर्वांसाठी आश्चर्याची बाब म्हणजे 22 वर्षीय ध्रुव जुरेलला टीम इंडियाचा कॉल आला आहे. रणजी ट्रॉफीमध्ये उत्तर प्रदेशकडून खेळणाऱ्या ध्रुव जुरेलला तिसरा यष्टिरक्षक म्हणून संघात ठेवण्यात आले आहे.
निवड समिती आणि संघ व्यवस्थापनाने त्याला इशान किशनपेक्षा प्राधान्य दिले आहे, त्यामुळे ध्रुव जुरेलबद्दल जाणून घेण्याची उत्सुकताही वाढली आहे. दरम्यान, ध्रुव जुरेलने एका हिंदी वृत्तपत्राला मुलाखत दिली आहे, ज्यामध्ये त्याने त्याच्या संघर्ष आणि कुटुंबाबद्दल सांगितले आहे.
ध्रुव जुरेलच्या म्हणण्यानुसार, जेव्हा त्याला टूर्नामेंटमध्ये खेळायचे असल्यामुळे त्याला त्याच्या पहिल्या क्रिकेट किटची गरज होती, तेव्हा त्याच्या वडिलांनी किट घेण्यास नकार दिला कारण त्यांच्याकडे बजेट नव्हते. अशा परिस्थितीत त्याच्या आईने तिची सोनसाखळी विकली आणि मिळालेल्या पैशातून ध्रुव जुरेलची पहिली क्रिकेट किट खरेदी केली.
ध्रुव जुरेल हा उत्तर प्रदेशातील आग्रा येथील आहे, त्याचे वडील सैन्यात हवालदार होते. ध्रुवला स्वतः सैन्यात भरती व्हायचे होते, त्याच्या वडिलांनाही आपल्या मुलाने सरकारी नोकरी करावी अशी इच्छा होती, पण ध्रुवला फक्त क्रिकेटमध्येच रस होता. जेव्हा त्याने पहिल्यांदा क्रिकेट ट्रेनिंगसाठी नाव नोंदवले, तेव्हा त्याने हे वडिलांपासून लपवून ठेवले होते, नंतर जेव्हा त्यांना हे समजले, तेव्हा ते त्याला खूप टोमणे मारायचे.
ध्रुवच्या वडिलांनी निवृत्तीनंतर पीएसओ म्हणूनही काम केले होते, ध्रुव म्हणतो की वडिलांची आर्थिक परिस्थिती पाहून वाईट वाटले. अशा परिस्थितीत त्याने क्रिकेटवर लक्ष केंद्रित करण्याचा निर्णय घेतला, वेगवेगळ्या टप्प्यांतून पुढे गेला आणि नंतर त्याला आयपीएलमध्ये संधी मिळाली. तिथून पुढे ध्रुव जुरेलचे नशीब पालटले, तर दुसरीकडे त्याने देशांतर्गत क्रिकेटमध्ये चांगली कामगिरी केली.
ध्रुव जुरेलला टीम इंडियाच्या सीनियर टीमचा कॉल आला, जेव्हा त्याची इंग्लंडविरुद्धच्या मालिकेसाठी निवड झाली, तेव्हा त्याच्या मित्रांनीच ध्रुवला सर्वप्रथम माहिती दिली. कारण तो भारत A च्या सामन्यात व्यस्त होता आणि आता 22 वर्षीय ध्रुवला टीम इंडियासोबत राहण्याची संधी मिळणार आहे. त्याला येथे पदार्पणाची संधी मिळाली नाही, तरी वरिष्ठ संघाच्या वातावरणात त्याला नक्कीच मिसळायला मिळेल आणि खूप काही शिकायला मिळेल.