राजकुमार गुप्ता यांच्या दिग्दर्शनाखाली बनत असलेल्या ‘रेड 2’चे शूटिंग सुरू झाले आहे. या चित्रपटात अजय देवगण मुख्य भूमिकेत दिसणार आहे. याशिवाय रितेश देशमुख खलनायकाच्या भूमिकेत दिसणार आहे. याआधीही दोघांना एकत्र पाहिले गेले आहे. पण दोन्ही कलाकार इंद्र कुमारच्या ‘टोटल धमाल’ चित्रपटात कॉमेडी करताना दिसले होते, तर ‘रेड 2’ मधील त्यांची भूमिका ‘टोटल धमाल’पेक्षा पूर्णपणे वेगळी असणार आहे. या चित्रपटात दोन्ही पात्र एकमेकांशी भिडताना दिसणार आहेत. रितेश देशमुख खलनायकाची भूमिका साकारण्यासाठी खूप उत्सुक आहे.
अजय विरुद्ध रितेशच्या चित्रपटाची रिलीज डेटही समोर आली आहे. वृत्तानुसार, हा चित्रपट 15 नोव्हेंबर 2024 रोजी मोठ्या पडद्यावर प्रदर्शित होणार आहे. सध्या या चित्रपटाचे शूटिंग सुरू असून, या चित्रपटाचे चित्रीकरण एक-दोन राज्यात नव्हे, तर दिल्ली, मुंबई, राजस्थान, उत्तर प्रदेश या ठिकाणी मोठ्या प्रमाणावर होणार आहे. यावेळी चित्रपटात अजयसोबत वाणी कपूर मुख्य भूमिकेत असेल. भूषण कुमार, कुमार मंगत पाठक, अभिषेक पाठक आणि कृष्ण कुमार मिळून हा चित्रपट बनवत आहेत. ‘रेड 2’ हा अजयचा या वर्षातील दुसरा मोठा सिक्वेल चित्रपट आहे.
रितेश देशमुखबद्दल बोलायचे झाले तर त्याने 2000 साली ‘तुझे मेरी कसम’ या चित्रपटातून करिअरची सुरुवात केली. यानंतर त्याने ‘टोटल धमाल’, ‘हाऊसफुल’, ‘हे बेबी’, ‘हमशकल’ यांसारख्या अनेक चित्रपटांमध्ये काम केले. या चित्रपटांतील त्याचा अभिनयही जबरदस्त होता. कॉमेडी, रोमान्स आणि सकारात्मक भूमिकांसोबतच त्याने नकारात्मक भूमिकांमध्येही आपला ठसा उमटवला आहे. रितेशने 2014 मध्ये आलेल्या ‘एक व्हिलन’ आणि ‘मरजावां’ या चित्रपटांमध्ये पडद्यावर नकारात्मक भूमिका चांगल्या प्रकारे साकारल्या होत्या. आता तो अजय देवगणच्या चित्रपटातही खलनायकाची भूमिका साकारणार आहे.