प्रत्येकाला आपला पगार कमी आणि इतरांची कमाई जास्त दिसते. पण जर एखाद्याचा पगार इतका असेल की तुमचा विश्वास बसणार नाही, तर… होय, एका कंपनीच्या महिला सीईओचा वार्षिक पगार इतका जास्त आहे की ऐकून तुम्ही थक्क व्हाल. बेटिंग कंपनीच्या मुख्य कार्यकारी अधिकारी डेनिस कोट्स या ब्रिटनमधील सर्वाधिक पगार घेणारी महिला आहे. इतकेच नाही, तर ती जगातील सर्वाधिक मानधन घेणाऱ्या सीईओंपैकी एक आहे. पगाराच्या बाबतीत डेनिसने ब्रिटिश पंतप्रधानांनाही मागे टाकले आहे.
मात्र, तिच्या कमाईबाबत अनेक प्रश्न आहेत. काही गटांचा असा दावा आहे की डेनिससाठी सांगण्यात येत असलेला पगार योग्य नाही. जुगार कंपनी Bet365 चे संस्थापक आणि मालक यांनी 26 मार्च 2023 रोजी संपलेल्या गेल्या आर्थिक वर्षात अंदाजे $281 दशलक्ष (£221 दशलक्ष) पगार घेतला. ही इतकी मोठी रक्कम आहे की मोठ्या कंपन्यांचे संपूर्ण उत्पन्न इतके नाही. मात्र, हा आकडा योग्य नसल्याचे एका गटाने म्हटले आहे.
Bet365 चे मुख्य कार्यकारी अधिकारी आणि बहुसंख्य भागधारक डेनिस कोट्स यांनी त्यांच्या $281 दशलक्ष पगाराव्यतिरिक्त, कंपनीच्या $127 दशलक्ष (£100 दशलक्ष) किंवा 1,054 कोटी रुपयांच्या नफ्यापैकी किमान 50% कमावले. अशा प्रकारे 2023 मध्ये त्यांची एकूण कमाई 3,378 कोटी रुपये होती. ब्लूमबर्ग बिलियनेअर्स इंडेक्सनुसार, कोट्स यांना गेल्या 10 वर्षांत सुमारे 16 हजार कोटी रुपयांचा पगार आणि नफा मिळाला आहे.
दरम्यान, हाय पे सेंटरचे कार्यकारी संचालक ल्यूक हिल्डयार्ड यांनी यावर प्रश्न उपस्थित करून टीका केली आहे. ते म्हणाले की, लोक प्रगतीसाठी पात्र आहेत, पण कोणत्या प्रमाणात हे पाहण्याची गरज आहे.
डेनिस कोट्सने 2000 मध्ये बेटिंग प्लॅटफॉर्म Bet365 सुरू केले. बेटिंग प्लॅटफॉर्म Bet365 वर आता सुमारे 9 कोटी वापरकर्ते आहेत. कंपनीने 2023 मध्ये सुमारे $421 म्हणजेच 35 हजार कोटी रुपयांचा व्यवसाय केला. कंपनीच्या गेमिंग सेक्शनला 630 कोटी रुपयांचा तोटा झाला असला तरी, एकूण नफा गेल्या वर्षीच्या तुलनेत जास्त राहिला आणि डेनिसचा आज ब्रिटनमधील सर्वात श्रीमंत महिलांमध्ये समावेश आहे.