अॅप डाऊनलोड केल्यावर फोन होईल हॅक, या निष्काळजीपणामुळे गायब होतील खात्यातून पैसे

मोबाईल, सर्वात लोकप्रिय / By / आर्थिक फसवणूक, मोबाईल हॅक, वैयक्तिक माहिती, सायबर दोस्त, हॅकर्स /


जर तुम्ही Google Play Store किंवा Apple App Store व्यतिरिक्त थर्ड-पार्टी वेबसाइटला भेट देऊन APK फाईल्सद्वारे मोबाइलवर अॅप्स इन्स्टॉल करत असाल, तर तुमचा हा छोटीसा निष्काळजीपणा तुमच्यासाठी त्रासदायक ठरू शकतो. सरकार आता रॉग अँड्रॉइड अॅप्सबद्दल लोकांना जागरूक करण्याचे काम करत आहे, प्रश्न पडतो की हे अॅप्स काय आहेत आणि ते आपले नुकसान कसे करतात?

सरकारी अधिकृत अकाउंट सायबर दोस्तने मायक्रोब्लॉगिंग प्लॅटफॉर्मवर एक पोस्ट शेअर केली आहे Rogue Android Apps तुमचा फोन हॅक करुन तुमची वैयक्तिक माहिती चोरते. डेटा लीक झाल्यानंतर तुमचे बँक खाते देखील रिकामे केले जाऊ शकते. या पोस्टद्वारे लोकांना अज्ञात स्त्रोतांकडून एपीके फाइल डाउनलोड करताना सावध राहण्याचा सल्ला देण्यात आला आहे.

सायबर दोस्त हँडलवरून थर्मल कॅमेरा अॅपबद्दल माहिती देताना सांगण्यात आले आहे की, हे अॅप मालवेअर आहे, जे पॉर्न साइट्सद्वारे पसरवले जात आहे. सरकारने अँटीव्हायरसद्वारे फोन स्कॅन करून मालवेअर काढून टाकण्याचा सल्ला दिला आहे.

सायबर गुन्हे करणारे बहुतेक लोक रॉग अॅप्स वापरतात, आता तुम्हीही विचार कराल की हे काय वाईट आहे? या अॅप्सची रचना अशा प्रकारे करण्यात आली आहे की हे अॅप्स हुबेहुब मूळ अॅप्ससारखे दिसतात, पण फरक एवढाच आहे की या अॅप्समध्ये फिचर्ससोबतच धोकादायक व्हायरसही आहेत.


एकदा कोणत्याही वापरकर्त्याने हे अॅप फोनवर स्थापित केल्यानंतर, हे अॅप्स फोनवरून तुमची आर्थिक माहिती जसे की क्रेडिट कार्ड डेटा आणि बँक खात्याचे तपशील गोळा करण्यास सुरवात करतात.

अँड्रॉईड फोनमध्येही एपीके फाइल इन्स्टॉल करताना फोन अलर्ट करतो, कारण एपीके फाइल्स थेट अँड्रॉइड फोनमध्ये इन्स्टॉल होत नाहीत, यासाठी फोनच्या सेटिंगमध्ये जाऊन अनकॉन सोर्सेस हा पर्याय चालू करावा लागतो. हे फीचर चालू केल्यानंतरच एपीके फाइल इन्स्टॉल करता येते. फोन अॅलर्टकडे दुर्लक्ष करून आणि APK इन्स्टॉल करण्याच्या चुकीमुळे खाते रिकामे होते.

स्वत:ला सुरक्षित ठेवण्यासाठी, तुम्हाला फक्त एक छोटीशी गोष्ट करायची आहे, जेव्हा तुम्ही कोणतेही मोबाइल अॅप इन्स्टॉल कराल, तेव्हा हे लक्षात ठेवा की ते अॅप फक्त Google Play Store किंवा App Store वरून इंस्टॉल केले जावे.