Hit and Run : ट्रक चालकांचा संप संपला का? काय होती मागणी आणि सरकारकडून मिळाले कोणते आश्वासन?

त्याचवेळी परिवहन काँग्रेसने सर्व ट्रक चालकांना कामावर परतण्यास सांगितले. 10 वर्षे कारावास आणि दंड लागू होणार नाही, असेही बैठकीत सांगण्यात आले. सरकारने सांगितले की, भारतीय न्यायिक संहितेचे कलम 106 (2) लागू करण्यापूर्वी, ऑल इंडिया मोटर ट्रान्सपोर्ट काँग्रेसशी सल्लामसलत केल्यानंतरच निर्णय घेतला जाईल. आम्ही ऑल इंडिया मोटर ट्रान्सपोर्ट काँग्रेस आणि सर्व ट्रक चालकांना त्यांच्या कामावर परतण्याचे आवाहन करतो.

हिट अँड रन प्रकरणातील नवीन कायद्याबाबत उत्तर प्रदेश, महाराष्ट्र, पंजाब, मध्य प्रदेश, हिमाचल प्रदेश आणि जम्मू-काश्मीरसह अनेक राज्यांमध्ये निदर्शने झाली. अनेक राज्यांमध्ये नाकेबंदी आणि प्रचंड निदर्शने पाहायला मिळाली. दोन-तीन दिवस चाललेल्या या संपात अनेक वस्तूंचा पुरवठा ठप्प झाला. पेट्रोल पंपावर मोठी गर्दी जमू लागली. पेट्रोल घेण्यासाठी मोठ्या संख्येने लोक उभे राहिले होते. नवीन कायद्यात 10 लाख रुपये दंड आणि 7 वर्षांच्या शिक्षेची तरतूद होती. हा कायदा चुकीचा असून सरकारने तो मागे घ्यावा, असे ट्रकचालकांचे म्हणणे आहे.

आयपीसीमध्ये हिट अँड रन प्रकरणात मृत्यू झाल्यास दोन वर्षांचा तुरुंगवास आणि दंडाची तरतूद आहे. भारतीय न्यायिक संहितेत, शिक्षा 10 वर्षे आणि दंड वाढविण्यात आली आहे. या कायद्यामुळे अपघात झाल्यास 10 वर्षांची शिक्षा आणि 7 लाख रुपये दंडाची तरतूद आहे. हिट अँड रन म्हणजे रॅश आणि निष्काळजीपणे गाडी चालवल्यामुळे एखाद्या व्यक्तीचे किंवा मालमत्तेचे नुकसान करणे आणि नंतर पळून जाणे. हा कायदा झाल्यानंतर हे शक्य होणार नाही.

काँग्रेसच्या सुप्रिया श्रीनेत म्हणाल्या की, देशाच्या कानाकोपऱ्यात जीवनावश्यक वस्तू पोहोचवणारे कष्टकरी ट्रक चालक नवीन हिट अँड रन कायद्याच्या विरोधात संपावर आहेत. या कायद्यामुळे त्यांच्याकडून अपघात झाल्यास त्यांना 10 वर्षे कारावास आणि 7 लाख रुपये दंडाची शिक्षा होऊ शकते. त्या म्हणाल्या की, बहुतांश ट्रकचालक गरीब असतात, कोणीही स्वत:च्या इच्छेने अपघात करत नाही, कधी कधी दुसऱ्याचीही चूक असू शकते. या कायद्यामुळे ते सर्व त्रस्त आहेत. हा कायदा 150 खासदारांच्या निलंबनानंतर जबरदस्तीने करण्यात आला.

जब एकजुट होकर आवाज़ उठाई जाये तो सरकार को झुकना पड़ता है, हिट एंड रन के नये क़ानून पर ड्राइवर्स के ऑंदोलन का असर ये हुआ कि सरकार को झुकना पड़ा।
बधाई हो ड्राइवर साथियों……हम आपके साथ हैं। pic.twitter.com/WWk9URoJV2

— Imran Pratapgarhi (@ShayarImran) January 2, 2024

काँग्रेस नेते इम्रान प्रतापगढ़ी म्हणाले की, एकजुटीने आवाज उठवला की सरकारला झुकावे लागते. नवीन हिट अँड रन कायद्याचा चालकांच्या आंदोलनाचा परिणाम इतका झाला की सरकारला नमते घ्यावे लागले. अभिनंदन चालकांनो, आम्ही तुमच्यासोबत आहोत.

हिट अँड रन प्रकरणांवरील नवीन कायद्याच्या विरोधात ट्रक चालकांच्या निषेधावर केंद्रीय मंत्री जनरल व्ही के सिंह म्हणाले की, प्रवाशांना समस्यांना सामोरे जावे लागू नये. नवा कायदा प्रवाशांच्या मदतीसाठी आहे. पूर्वी वाहनचालक पळून जायचे, आता नवा कायदा करण्यात आला असून त्यात चालकाने सतर्क राहावे.