शाहरुख खान आणि त्याच्या चाहत्यांमध्ये खूप घट्ट नाते आहे. किंग खानच्या चाहत्यांचा त्याच्या चित्रपटांबद्दलचा जोश पाहण्यासारखा आहे. आठवड्याभरापूर्वी प्रदर्शित झालेल्या त्याच्या डंकी या चित्रपटाकडे सर्वांच्या नजरा लागल्या आहेत. शाहरुखचा अभिनय पाहून आजवर ज्या कोणीही हा चित्रपट पाहिला असेल, तो भावूक झाला आहे. राजकुमार हिरानी आणि शाहरुख खानच्या जोडीने चाहत्यांची मने जिंकली आहेत.
‘डंकी’ जरी पठाण आणि जवान यांच्याप्रमाणे व्यावसायिकदृष्ट्या यशस्वी ठरत नसला, तरी या चित्रपटाचे सर्वजण कौतुक करत आहेत. चित्रपटातील इमोशन, कॉमेडी आणि कथा लोकांच्या हृदयाला भिडली आहे. आज चित्रपटाच्या प्रदर्शनाचा 9वा दिवस असून डंकीच्या आठव्या दिवसाचे आकडेही समोर आले आहेत. चला या चित्रपटाच्या नवीनतम कलेक्शनवर एक नजर टाकूया.
‘डंकी’ने बॉक्स ऑफिसवर आपली पकड कायम ठेवली आहे. चित्रपटाच्या कमाईतही हळूहळू वाढ होताना दिसत आहे. मात्र, चित्रपट सुरू झाल्यानंतर अवघ्या तीन दिवसांतच चित्रपटाच्या व्यवसायात घसरण झाली. प्रत्येक चित्रपटासाठी पहिला आठवडा खूप महत्त्वाचा असतो. कारण यानंतर चित्रपटाच्या कलेक्शनमध्ये घसरण पाहायला मिळते. मात्र अवघ्या तीन दिवसांनी ‘डंकी’ची कमाई कमी होऊ लागली. आता सुरुवातीच्या आकडेवारीनुसार डंकीने आठव्या दिवशी 9 ते 10 कोटी रुपये कमावले आहेत. चित्रपटाचे आतापर्यंतचे एकूण कलेक्शन 161 कोटी झाले आहे. या चित्रपटाचे बजेट 120 कोटी होते.
शाहरुख खानच्या डंकीचे कलेक्शन
- पहिल्या दिवशी 29.2 कोटी,
- दुसऱ्या दिवशी 20.12 कोटी,
- तिसऱ्या दिवशी 25.61 कोटी,
- चौथ्या दिवशी 31.5 कोटी,
- पाचव्या दिवशी 46.3 कोटी,
- सहाव्या दिवशी 10 कोटी,
- सातव्या दिवशी 5.61 कोटी