रतन टाटांच्या 27 कंपन्यांनी वर्षभरात शेअर बाजारात मोठी उलाढाल केली आहे. टाटा समूहाच्या कंपन्यांनी गुंतवणूकदारांना पैसे मिळवून देण्यात कोणतीही कसर सोडली नाही. विशेष बाब म्हणजे समूहातील 4 कंपन्यांनी 100 ते 200 टक्क्यांपेक्षा जास्त परतावा दिला आहे. तर गुंतवणूकदारांना नकारात्मक परतावा देणारी एकच कंपनी आहे. या 27 कंपन्यांमध्ये नुकतीच एक कंपनीचा IPO आला होता. तसेच शेअर बाजारात इतिहास रचला आणि लिस्ट होताच 140 टक्के परतावा दिला. 2023 मध्ये रतन टाटांच्या कोणत्या कंपनीने किती रिटर्न दिला आहे हे देखील जाणून घेऊया.
टाटा समूहाने 2023 मध्ये दलाल स्ट्रीटवर गुंतवणूकदारांना श्रीमंत बनवणे सुरूच ठेवले. समूहाच्या 27 कंपन्यांच्या संयुक्त मार्केट कॅपमध्ये सुमारे 613,000 कोटी रुपयांची वाढ झाली आहे. विशेष बाब म्हणजे समूहातील तीन कंपन्यांनी गुंतवणूकदारांना मल्टीबॅगर परतावा दिला आहे. एका कंपनीने 218 टक्के परतावा दिला आहे. दुसरीकडे टाटा टेकच्या आयपीओनेही गुंतवणूकदारांना आनंद दिला आहे. Tata Technologies IPO ला विक्रमी प्रतिसाद मिळाला. रु. 3,042 कोटी IPO ला रु. 1.5 लाख कोटी पेक्षा जास्त बोली मिळाल्या आणि 140 टक्के प्रीमियमवर सूचीबद्ध झाला. टाटा टेक वगळता, टाटा बास्केटमधील तीन मल्टीबॅगर्सनी परतावा दिला आहे – बनारस हॉटेल्स (218 टक्के), आर्टेसन इंजिनिअरिंग (144 टक्के), आणि ट्रेंट (119 टक्के).
या कंपन्यांनी दिला प्रचंड परतावा
- टाटा समूहाच्या होल्डिंग कंपन्यांपैकी एक असलेल्या टाटा इन्व्हेस्टमेंट कॉर्पोरेशनचा परतावा देखील 2023 मध्ये 99 टक्के परताव्यासह जवळपास दुप्पट झाला आहे.
- JLR निर्माता टाटा मोटर्सच्या स्टॉकमध्येही 2023 मध्ये सुमारे 87 टक्क्यांनी वाढ झाली आहे. यामुळे ही कंपनी वर्षभरात सर्वाधिक परतावा देणाऱ्या कंपन्यांपैकी एक बनली आहे.
- बनारस हॉटेल्स व्यतिरिक्त, समूहाकडे ओरिएंटल हॉटेल्स देखील आहेत – ज्यांचा स्टॉक वर्षभरात 67 टक्क्यांनी वाढला आहे.
- मार्केट कॅपनुसार भारतातील सर्वात मोठी हॉस्पिटॅलिटी कंपनी असलेल्या इंडियन हॉटेल्सने यावर्षी 38 टक्क्यांहून अधिक परतावा दिला आहे.
- टाटा शेअर्समध्ये टाटा पॉवरने 57 टक्के, टाटा एल्क्सीने 41 टक्के, टायटन टक्के, टाटा कंझ्युमर 29 टक्के, टाटा स्टील 18.5 टक्के आणि टीसीएसने 17 टक्क्यांहून अधिक परतावा दिला आहे.
- चालू वर्षात टाटा टेलिसर्व्हिसेस (महाराष्ट्र) ने नकारात्मक परतावा दिला आहे. 2023 मध्ये कंपनीच्या शेअर्समध्ये एक टक्का घसरण दिसून आली आहे.
- 27 टाटा कंपन्यांचे एकूण मार्केट कॅप (टाटा टेक वगळता) 612,619 कोटी रुपयांनी वाढून 27,16,694 कोटी रुपये झाले आहे.