डेव्हिड वॉर्नरने आपल्या कारकिर्दीतील शेवटची कसोटी मालिका खेळताना आश्चर्यकारक कामगिरी केली आहे. डेव्हिड वॉर्नरने पर्थमध्ये पाकिस्तानविरुद्धच्या पहिल्या कसोटीत शानदार शतक झळकावले. डेव्हिड वॉर्नरने कसोटीत एकदिवसीय क्रिकेटच्या शैलीत फलंदाजी करताना स्फोटक शॉट्स खेळले आणि या डावखुऱ्या फलंदाजाने अवघ्या 125 चेंडूत आपले शतक पूर्ण केले. पर्थमध्ये शतक झळकावल्यानंतर डेव्हिड वॉर्नरने आक्रमकपणे जल्लोष केला, जणू तो आपल्या टीकाकारांना उत्तर देत आहे.
डेव्हिड वॉर्नरने केवळ 43 व्या षटकात आमिर जमालचा कट शॉट खेळून आपले 26 वे कसोटी शतक पूर्ण केले. त्याने 14 चौकार आणि 1 षटकाराच्या जोरावर आपले शतक पूर्ण केले. या शतकासह डेव्हिड वॉर्नरने आंतरराष्ट्रीय क्रिकेटमधील 49 वे शतक पूर्ण केले. त्याने वनडे आणि कसोटीमध्ये 20 पेक्षा जास्त शतके झळकावली आहेत. याशिवाय तो आंतरराष्ट्रीय क्रिकेटमध्ये सर्वाधिक शतके ठोकणारा सलामीवीर बनला आहे.
पर्थ कसोटीआधी डेव्हिड वॉर्नरविरुद्ध जबरदस्त भाषणबाजी सुरू होती. त्याचाच सहकारी आणि माजी वेगवान गोलंदाज मिचेल जॉन्सनने त्याच्याविरुद्ध अनेक गोष्टी बोलल्या होत्या. त्याने वॉर्नरला दिग्गज खेळाडू मानण्यास नकार दिला. पण वॉर्नरने कारकिर्दीतील शेवटच्या कसोटी मालिकेत शतक झळकावून सर्वांना अवाक केले.