डीपफेक व्हिडिओच्या माध्यमातून मोठ्या व्यक्तींच्या नावावर फसवणूक केली जात आहे. अलीकडेच ज्येष्ठ उद्योगपती रतन टाटा या डीपफेकचे बळी ठरले आहेत. खरं तर, रतन टाटा यांच्या मुलाखतीचा एक व्हिडिओ सोशल मीडियावर शेअर केला जात आहे, ज्यामध्ये जोखीममुक्त आणि 100 टक्के हमीसह “शोषित गुंतवणूक” करण्याचा सल्ला दिला जात आहे. त्यानंतर खुद्द रतन टाटा यांनी ही मुलाखत खोटी असल्याचे म्हटले आहे. याशिवाय कंटेंट क्रिएटर्सची जोरदार शाळा देखील घेतली. त्यांनी लोकांना व्हिडिओच्या सल्ल्यांवर गुंतवणूक न करण्याचा सल्लाही दिला आहे. काय आहे हे संपूर्ण प्रकरण आम्ही तुम्हाला सांगतो…
वास्तविक, सोशल मीडियावर रतन टाटा यांचे नाव आणि बनावट व्हिडिओ वापरून सोना अग्रवाल नावाच्या युजरने लोकांना गुंतवणूक करण्याचा सल्ला दिला आहे. या प्रकरणातील सर्वात आश्चर्याची बाब म्हणजे या व्हिडिओमध्ये रतन टाटा यांचा एक बनावट व्हिडिओ वापरण्यात आला आहे, ज्यामुळे असे दिसते की रतन टाटा स्वतः सूचना देत आहेत. पण, बुधवारी टाटांनी ही पोस्ट खोटी ठरवून लोकांना सावध केले आहे.
फेक व्हिडिओमध्ये टाटा सोना अग्रवालला मॅनेजर म्हणून बोलवत आहे. त्याचवेळी, शेअर केलेल्या व्हिडीओसोबत लिहिले होते, रतन टाटा यांच्याकडून भारतातील प्रत्येकासाठी एक शिफारस, तुम्हाला आजच 100 टक्के हमीसह जोखीममुक्त राहून तुमची गुंतवणूक वाढवण्याची संधी आहे. यासाठी आता चॅनलवर जा. इतकंच नाही तर लोकांच्या खात्यात पैसे जमा होत असल्याच्या संदेशही व्हिडिओमध्ये दाखवण्यात आले आहेत.
बुधवारी स्वतः रतन टाटा यांनी या व्हिडिओवरून लोकांना सतर्क केले. त्यांनी त्यांच्या इंस्टाग्रामवर लिहिले की, हा व्हिडिओ खोटा आहे. व्हिडिओ आणि व्हिडिओच्या कॅप्शनचा स्क्रीनशॉट फेक लिहून त्यांनी आपल्या फॉलोअर्सना सावध केले आहे.